Uppi í háu húsi...

Moggablogg

2007-11-17T12:48:00.002Z

Síðuna mína á moggablogginu kalla ég
...hafið, bláa hafið...
og slóðin er þessi:
http://gretaulfs.blog.is

Gamla Blogger-bloggið mitt

2007-10-08T23:35:00.000Z

Þetta er gamla bloggið hennar Gretu Bjargar. Héðan er sem sé þetta blessaða saumakonu-nafn til komið, á bloggum konu sem aldrei saumar (nánast). Nafnið var sem sé skírskotun í vísnaleikinn "ein ég sit og sauma, inni í litlu húsi" og bloggið hét í upphafi "inni í litlu húsi" (áður en það breytti um útlit og saumakonan gerðist vitavörður), tilvísun í að "enginn kemur að sjá mig, nema litla músin". Já, ég var víst eitthvað svolítið einmana í sálinni þegar ég byrjaði það blogg, fannst að minnsta kosti fáir kíkja við. Ýmislegt hefur breyst síðan, en ég verð nú víst áfram nokkuð sérvitur og hlédrægur einfari, þó þeir sem mig þekkja viti að ég get alveg sýnt af mér kæti í góðra vina hópi, ef svo ber undir.

The Hubble Deep Field: The Most Important Image Ever Taken

2007-09-03T10:12:00.001Z

Tölvutiltekt

2007-03-17T14:02:00.000Z

Skelli hér nokkrum bröndurum sem ég tími ekki að eyða út.
Gjörið svo vel!:

Morgunlestur: 1.Pet.1.13-21

2007-03-12T09:46:00.000Z

Gjörið því hugi yðar viðbúna og vakið. Setjið alla von yðar til þeirrar náðar, sem yður mun veitast við opinberun Jesú Krists. Verið eins og hlýðin börn og látið eigi framar lifnað yðar mótast af þeim girndum, er þér áður létuð stjórnast af í vanvisku yðar. Verðið heldur sjálfir heilagir í allri hegðun, eins og sá er heilagur, sem yður hefur kallað. Ritað er: Verið heilagir, því ég er heilagur.

Bæn dagsins

Guð faðir á himnum. Í dag bið ég fyrir hinum ungu í blóma lífs síns og fyrir hinum öldnu sem þroskast til uppskerutímans. Ég bið fyrir öllum dögum og stundum sem Drottinn gefur mér að lifa og að ég læri að helga honum tíma minn. Drottinn, miskunna þú oss. Amen

Morgunlestur: Sk 7.1-13

2007-02-22T09:56:00.000Z

Þá kom orð Drottins til Sakaría, svo hljóðandi: Svo segir Drottinn allsherjar: Dæmið rétta dóma og auðsýnið hver öðrum kærleika og miskunnsemi. Veitið ekki ágang ekkjum og munaðarleysingjum, útlendingum né fátækum mönnum, og enginn yðar hugsi öðrum illt í hjarta sínu.

Bæn dagsins

Drottinn Guð, þú skapaðir oss í þinni mynd og tókst inn í sáttmála náðar þinnar í heilagri skírn, til þess að við mættum vera þín börn og erfingjar fyrirheita þinna. Vér þökkum þér fyrir undur miskunanr þinnar og biðjum þig: Stjórna oss með anda þínum svo að vér þekkjum þig réttilega, elskum þig af öllu hjarta og þjónum þér í friði þínum, uns vér fullkomnumst fyrir augliti þinu, eins og þú hefur heitið oss.

Lesa áfram á http://www.tru.is/almanak

Flottar útvarpsrásir

2007-02-14T16:49:00.000Z

Rúv:

R O N D Ó

Svo er þessi rás líka nýbyrjuð og flott:

Franskt útvarp FM 89.0 Radio France Internationale hóf útsendingar hér á landi í fyrsta sinn um síðustu helgi og útvarpar allan sólarhringinn og alla daga vikunnar á tíðninni FM89,0. Útsendingin er til eins árs í senn og nær yfir allt höfuðborgarsvæðið.

Útvarpsrásin fer í loftið hérlendis samhliða hinni umfangsmiklu frönsku menningarhátíð, „Pourquoi-Pas? Franskt vor á Íslandi", sem hefst 22. febrúar.
http://www.pourquoipas.is.

Radio France Internationale er frönsk opinber útvarpsrás rekin af utanríkisráðuneyti Frakklands sem útvarpar á um 20 mismunandi tungumálum. Fjöldi áheyrenda nemur 44 milljónum, þar af eru 25 milljónir í Afríku. Í Evrópu er fjöldi áheyrenda um 2 milljónir. Rásin er með 150 senda víða um heim og er í samstarfi við 340 mismunandi útvarpsrásir, sem útvarpa dagskrá RFI í heild sinni eða að hluta. Rásin flytur fréttir á hálftíma fresti með áherslur á alþjóðamál.

Guðsorð í morgunsárið

2007-02-14T09:40:00.000Z

Morgunlestur: Mk 6.1-6

Þaðan fór Jesús og kom í ættborg sína, og lærisveinar hans fylgdu honum. Þegar hvíldardagur var kominn, tók hann að kenna í samkundunni, og þeir mörgu, sem á hlýddu, undruðust stórum. Þeir sögðu: Hvaðan kemur honum þetta? Hver er sú speki, sem honum er gefin, og þau kraftaverk, sem gjörast fyrir hendur hans? Er þetta ekki smiðurinn, sonur Maríu, bróðir þeirra Jakobs, Jóse, Júdasar og Símonar? Og eru ekki systur hans hér hjá oss? Og þeir hneyksluðust á honum.

Bæn dagsins

Andspænis illsku og ranglæti vil ég ekki missa móðinn, heldur vil ég rísa upp og standa með því sem er rétt og satt, og ég vil horfast í augu við framtíðina með hugrekki, friði og gleði. Amen.

http://www.tru.is/almanak

Can-can!

2007-02-13T17:49:00.000Z

Þetta er can-can-dansmeyja-dúkkusafnið mitt:

Æ...

2007-02-13T12:29:00.000Z

...af hverju er ég svona sljó þessa dagana, þrátt fyrir að vera búin að gutla í mig bæði hreinum gulrótarsafa og rauðrófusafa, sem mér var sagt að væri svo hreinsandi fyrir líkamann, yfir helgina...er það kannski af klárri ofdrykkju þessara vökva sem mér líður ekki vel...?
Eins og mér hafa alltaf þótt báðir þessir rótarávextir góðir...
...getur ekki verið...!

M0ggablogg...

2007-02-11T17:08:00.000Z

Jæja, skellti mér á Moggabloggið: http://saumakona.blog.is
Svo sem ekki mjög frábrugðið þessari síðu, ha,ha... :)
Verst að ég verð dálítið kvíðin við tilhugsunina um að blogga "á almannafæri", eins og mér finnst Moggabloggið vera, öfugt við Blogspot.com, undarlegt nokk og frekar kjánalegt!

Frábært viðtal við vitran mann: Herra Sigurbjörn Einarsson, biskup

Ég um mig...

2007-02-11T12:16:00.000Z

Orri Harðarson skrifar í Moggablogg sitt um veikindi sín í frumbernsku:

"Sálfræðingar hafa talað um að atvik í frumbernsku geti haft varanleg áhrif á sálarlífið. Þegar ég kom inn í þennan heim var mér vart hugað líf. Ég kom fyrir tímann og var víst haldinn einhverju sem í dag kallast loftbrjóst. Það er ekki fallegt orð. Virkar á mann eins og einhver sérstök tegund af vindgangi. En þegar ég fæddist hét þetta keisaraveiki. Það er nú öllu meiri vigt í því, enda var ég í bráðri lífshættu. Læknar gátu ekkert gert og ég megnaði aðeins að draga andann með því að liggja á vinstri hliðinni. Svo beið fólk eftir því að ég læknaði mig sjálfur. Það hefði mér þótt ótíðindi, væri ég farinn að hugsa. En þarna var ég sumsé strax orðinn vinstrisinni og enn ekki farinn að hugsa heila hugsun. Vinir mínir á hægri vængnum bíða sjálfsagt enn eftir að af mér brái." (GBÚ:Feitletranir eru mínar.)

Ber að skilja hann Orra svo að það sé skárra að segja "ég" nokkuð oft í sama textanum, heldur en að segja "mér", "mig" og "mín" mjög oft?

Kannski væri, með hliðsjón af veikindum Orra í bernsku, lag fyrir Björn Bjarnason að reyna að tylla sér á vinstri hliðina, þar sem hann liggur nú fyrir á Landspítalanum, til að læknast af hægrivillu og egósentrisma, - að maður tali nú ekki um gölluðum stíl? Kannski heldur seint í rassinn gripið, eða ættum við heldur að segja brjóstkassann?

Það sem Bjössi kallinn virðist fara í fínu taugarnar á sumu fólki, þannig að það finnur meira að segja hjá sér hvöt til að krítisera það hvernig hann skrifar um veikindi sín og sjúkrahúsvíst. Því nægir víst ekki að vera á móti þeirri utanríkisstefnu sem hann stendur fyrir eða gjörðum hans sem menntamálaráðherra á árum áður. Jahénna.

Frábær mynd!

2007-02-10T14:40:00.000Z

Sá spænsku myndina Völundarhúsið í Regnboganum í gærkveldi. Hún býður upp á afar ofbeldisfullar senur og mörg atriðin eru blóði drifin. Þrátt fyrir það er myndin hrífandi fögur frásögn af lífsbaráttu og hugarheimi ungrar og hrifnæmrar stúlku á tímum spænsku borgarastyrjaldarinnar. Listræn blanda af raunsæjum hryllingi og fegurð ímyndunaraflsins. Og tónlistin er frábær.
- Það var klappað í bíósalnum í lokin! -

Svo sá ég auðvitað líka Pret-a-Porter (nenni ekki að leita að réttu kommunum á lyklaborðinu!) hjá Kvikmyndasafninu s.l. þriðjudag, sem var náttúrlega aldeilis og sérdeilis dægilegt.

1-1-2

2007-02-09T11:42:00.000Z

Vegna þess að verið er að ræða við starfsmann hjá 112 um símsvörun og viðbrögð við neyðarköllum í morgunútvarpinu þessa stundina, þá langar mig að segja frá því að ég hef aðeins einu sinni (sem betur fer) hringt í 112, en fannst það því miður heldur neikvæð lífsreynsla, þar sem mér fannst viðbrögð þess sem svaraði í hæsta máta annkanaleg.
Tildrög voru þau að það var keyrt á ungan pilt á vélhjóli á gatnamótunum hér neðan við húsið, reyndar hélt bílstjórinn því fram að hann hefði keyrt á sig. Hvað um það, hávaðinn af þessu var það mikill að það heyrðist hingað inn og til slatta af nágranna líka, sem dreif að á hlaupum. Þar sem ég fékk ekki á hreint hvort búið væri að hringja á sjúkrabíl dreif ég mig í að hringja í 112 í gemsann minn sem ég hafði gripið með mér. Skýrði frá því að það lægi ungur maður slasaður í götunni eftir árekstur vélhjóls og bíls, sennilega fótbrotinn og óskaði eftir að sendur yrði sjúkrabíll á hornið á K. og K. (og lögregla, að sjálfsögðu). Hvaða frekari upplýsingum óskaði sá sem svaraði mér helst eftir? Getið upp á því...: "Hvaða tegund af bíl var það sem sem var "innvíklaður" í atburðinn?" Ég: "Ha? Tegund af bíl? (Hvað hefur það nú með það að gera að koma slösuðum manni til hjálpar?)...Ja, það veit ég ekki, þekki ekki bílategundir, en það liggur ungur, slasaður maður hér í götunni sem þarf að komast undir læknishendur sem fyrst!" Hann:"Nei, nei, góða mín, ég þarf að fá mynd af aðstæðum fyrst, vertu nú bara róleg og segðu mér hvaða tegund af bíl það var?"..."Ég: ...ja, já, þa, það er slasaður maður hérna..." Hann: "...já, já, góða mín, segðu mér fyrst frá aðstæðum, hvaða tegund af bíl var þetta?"...þá var undirritaðri nóg boðið og rétti næsta karlmanni símann... Sem betur fer kallaði svo fljótlega einhver að það væri búið að hafa samband við 112 úr öðrum síma.
Púff! Það lítur út fyrir að það sé betra að vera klár á bílategundum við svona aðstæður, skítt með alla fyrstu hjálp, eða hvað? Ætli hann hafi næst viljað fá að vita af hvaða tegund vélhjólið var áður en hann féllst á þörf fyrir sjúkrabíl? Kannsi líka árgerð og skráningarnúmer? Undarlegt, og alls ekki í samræmi við þau viðbrögð sem ég bjóst við. Vona að þau séu ekki dæmigerð.

Eins hef ég í framhaldi af þessu velt því fyrir mér varðandi viðbrögð á slysstað þar sem saman er kominn hópur af fólki og allir með gemsana sína tilbúnir að hringja á aðstoð; hvernig er hægt að samhæfa það að hringja eftir hjálp, svo ekki berist ótal hringingar af sama staðnum?

Skýrir sig sjálft...

2007-02-06T12:07:00.000Z

...vistvæn og fín:
Þorri og Góa

Kvikmyndaskóli Íslands

2007-02-02T04:08:00.000Z

Ég hef undanfarið verið að horfa á verkefni nemenda í Kvikmyndaskóla Íslands. Það eru margar frábærar stuttmyndir þarna (bara verst hvað þær eru lengi að hlaðast inn). Mæli auðvitað sérstaklega með "Pískó" og "Algjörlega ókunnugt" í flokki leikinna stuttmynda, því þær eru eftir Eystein minn og náttúrlega aldeilis frábærar!

Global Warming

2007-02-02T04:00:00.000Z

The Road Not Taken

2007-01-31T11:31:00.001Z

Two roads diverged in a yellow wood,
And sorry I could not travel both
And be one traveler, long I stood
And looked down one as far as I could
To where it bent in the undergrowth;

Then took the other, as just as fair
And having perhaps the better claim,
Because it was grassy and wanted wear;
Though as for that, the passing there
Had worn them really about the same,

And both that morning equally lay
In leaves no step had trodden black
Oh, I kept the first for another day!
Yet knowing how way leads on to way,
I doubted if I should ever come back.

I shall be telling this with a sigh
Somewhere ages and ages hence:
two roads diverged in a wood, and I --
I took the one less traveled by,
And that has made all the difference.

Robert Frost

Kvikmyndasafn Íslands

2007-01-30T22:25:00.000Z

Þessa mynd ætla ég absolútt að fara að sjá á laugardaginn kemur:
Spænska kvikmyndin Deprisa, deprisa eftir Carlos Saura. Myndin segir frá vinahópi sem lifir hratt og hættulega í glæpaveröld Madridborgar á áttunda áratug síðustu aldar.Sjónarsvið myndarinnar eru borgarhverfi Madridar og nágrennis í stórkostlegum senum undir fallegri flamenco og rokktónlist.

Sýningar Kvikmyndasafnsins eru í Bæjarbíói, Strandgötu 6, Hafnarfirði, þriðjudaga kl. 20:00og laugardaga kl. 16:00. Miðasala opnar ca. hálftíma fyrir sýningu og miðaverð er kr. 500,-.

P.s. Þessi mynd var fullkomlega þess virði að keyra suður í Hafnarfjörð til að sjá hana .
Hún endar heldur dapurlega, eins við var að búast.

Geir Reginn

2007-01-28T13:01:00.000Z

Barnsfaðir minn og vinur, Geir Reginn Jóhannesson, pabbi hans Eysteins míns, lést á heimili sínu þriðjudaginn 16. janúar, aðeins 57 ára að aldri. Hann var sérstæður maður, gáfaður, tilfinningaríkur, skapbráður mjög og ekki allra, en hjartahlýr og örlátur að sama skapi gagnvart vinum sínum. Ég sakna þess mikið að eiga aldrei eftir að hitta hann aftur hérna megin grafar. Blessuð sé minning hans.

Have a fantastic day

2007-01-23T19:35:00.001Z

chatty.cath:

QUESTIONS FOR THE DAY

*Why is Charlie short for Charles if they are both the same number of letters?

*Isn't it funny how the word 'politics' is made up of the words 'poli' meaning
'many' in Latin, and 'tics' as in 'bloodsucking creatures??

*Anyone who says "Easy as taking candy from a baby"
has never tried it.

*All those who believe in telekinesis, raise my hand.

*If you can't see the bright side of life, polish the dull side.

*When you're right, no one remembers. When you're wrong, no one forgets.

Saga frá Kína

2007-01-17T00:25:00.000Z

Gömul kínversk kona átti tvo leirpotta, sem hún hengdi á sinn hvorn endann á langri stöng og bar á öxlum sínum. Á hverjum degi sótti hún vatn langa leið í uppsprettu fjarri heimili sínu. Annar potturinn var sprunginn eftir endilöngu og var því aðeins hálffullur þegar heim kom. Hinn potturinn var fullkominn og skilaði sér alltaf fullur af vatni eftir þessa löngu leið heim að húsinu. Svona gekk þetta í tvö ár, daglega gekk gamla konan með pottana að uppsprettunni og daglega kom hún heim með aðeins einn og hálfan pott af vatni.

Auðvitað var fullkomni potturinn ánægður með frammistöðu sína. En sprungni potturinn skammaðist sín og leið mjög illa, þar sem frammistaða hans var aðeins til hálfs við það sem hann var skapaður til að gera. Að tveimur árum liðnum talaði hann til konunnar við uppsprettuna: "Ég skammast mín fyrir frammistöðu mína. Vegna sprungunnar á hlið minni lekur helmingurinn af vatninu burt á leiðinni heim. Þú ættir að henda mér og fá þér nýjan pott".

Gamla konan brosti og sagði: "Hefur þú tekið eftir því, að þín megin götunnar er blómaskrúð, á meðan engin blóm vaxa hinum megin hennar? Ástæðan er sú, að ég hef alltaf vitað af þessum galla þínum. Þess vegna sáði ég fræjum við þína hlið götunnar. Á hverjum degi þegar við göngum heim vökvar þú blómin mín! Ég hef nú um árabil getað týnt þessi fallegu blóm og skreytt heimili mitt með þeim. Af því að þú ert eins og þú ert, þá hef ég fengið að njóta fegurðar blómanna".

Það er eins með okkur manneskjurnar, enginn er gallalaus. En það eru gallarnir og sprungurnar sem gera hvern og einn einstakan. Þess vegna er svo spennandi að kynnast og eyða ævinni saman. Við þurfum bara að læra að taka hverri manneskju eins og hún er og koma auga á jákvæðar hliðar hennar.

Moussaieff

2007-01-16T14:18:00.000Z

HÉR er til gamans smá fróðleikur úr Wikipediu um Shlomo Moussaieff, föður Dorritar, forsetafrúar okkar. Einnig er á síðunni að finna tengla á fróðleik um ýmsa merka ættingja frúarinnar, til dæmis rabbíann gamla, langafa hennar. Þetta er hörkulið með mikla sjálfstæðisþörf. Það kom fram í Kastljósviðtali hjá Evu Maríu s.l. sunnudagskvöld að Dorrit fór að heiman 16 ára gömul, vegna þess að hún vildi standa á eigin fótum. Karli föður hennar var á sínum tíma fleygt út af heimili föður síns 12 ára gömlum, af því að hann neitaði að biðjast fyrir. Honum hefur nú samt sem áður vegnað vel á veraldarvísu seinna meir, þó sjá megi af æviágripinu að ekki hefur hann alltaf siglt sléttan sjó um dagana.

HÉR er linkur á forngripasafn karlsins. Flestir munir þess munu tengjast Biblíunni á einhvern hátt, þrátt fyrir að pollinn hafi neitað að biðjast fyrir á unglingsárum.
HÉR er sagt frá mynd sem gerð var með styrk frá ísraelska sjónvarpinu um Shlomo Moussaieff.

HÉR er svo mjög hatursfull síða um gamla manninn. Þar er hann sakaður um að hafa meira og minna stolið þessum forngripum og demöntum sínum (og þaðan af verra); það er að segja því er haldið fram að hann hafi hagnast á því að höndla með stolið góss. - Hvað sem því líður, þá eru viðskipti á þessu sviði örugglega oft á gráu svæði, það fer ekki á milli mála. Samanber til dæmis handritamálið milli íslendinga og dana á sínum tíma, þó þar hafi að vísu ekki verið um viðskipti að ræða, heldur milliríkjadeilu.

Dugleg stelpa...

2007-01-12T16:55:00.000Z

Bindi Irwin

Köld slóð

2007-01-11T11:35:00.000Z

Ég steingleymdi að skrifa um álit mitt á þessari mynd, þannig að ég ætla bara að láta Hrafn Jökulsson um að segja hvað mér fannst um hana HÉR, þar sem ég er fullkomlega sammála umsögn hans.
Þetta er þétt mynd í flesta staði. Þó má alveg krukka í handritið, það er að segja söguþráðinn, út frá skynsemissjónarmiði (en það er nú að vísu svo í flestum, ef ekki öllum sakamálamyndum): Lítil stúlka annast heilaskaddaða móður sína í afdalakoti frá 5 ára aldri, með aðstoð 2ja karlmanna sem vinna í virkjun á næstu grösum. Halló? Ég spyr nú bara eins ýmsum er tamt að spyrja þegar hneyksli komast upp úr dúrnum: Hvar voru félagsmálayfirvöld, sváfu þau fullkomlega og staurblind á verðinum? :)
Hins vegar er ég fullkomlega sátt við draugaganginn í myndinni út frá þessu sama sjónarmiði: Draugagangur í bíómyndum er alltaf til bóta, getur meira að segja komið sér þar mjög vel og bjargað mörgu við. Það er að segja svo fremi að hann (draugagangurinn) sé ekki framleiddur í USA. Þar í álfu virðast menn ekki þekkja til alvöru drauga, svo í myndum þaðan ættuðum eru þeir alltaf alveg svakalega illir, sem er mjög einhæf og ósanngjörn lýsing á draugum.

Einnig látinn...

2007-01-10T13:52:00.000Z

Carlo Ponti

Scooby-Doo

2007-01-09T12:25:00.000Z

Það er skammt stórra högga á milli! Ekki nóg með að annar af feðrum Freds Flintstone hafi dáið um daginn, heldur er nú pabbi Scooby-Doo dáinn líka: Lesið um það HÉR

Jasso...

2007-01-08T13:12:00.001Z

You're A Passed Out Drunk

Drinking gives you that warm fuzzy feeling, until you're thrown in the back of a police car...

What Kind of Drunk Are You?

Your Greed Quotient: 41%

You are somewhat greedy, but your greed is probably a healthy motivator.
Wanting nice things is normal, as long as it doesn't take over your life.

How Much Greed Do You Have?

Imagine

2007-01-08T10:59:00.000Z

The King and The President

Elvis hefði orðið 72 ára í dag.
Dick hefði orðið 94 ára á morgun.

Lokadúkkan

2007-01-08T08:22:00.000Z

Þetta er síðusta dúkkan sem keypt verður á eBay, í bili að minnsta kosti. Eins og sjá má er hún ekki af verri endanum. Hún kemur heim með Úlfi mínum frá Ameríku í febrúar.

Var í kaffiboði í gær hjá mömmu og pabba í gær í tilefni af þrettándanum, ásamt Óskari, Heiðu, Lillý og Georg. Því miður steingleymdi ég að draga upp myndavélina, sem ég var þó með í veskinu. Á laugardeginum fórum við Óskar á brennu uppi í Grafarvogi, það var mjög gaman (þá var myndavélin ekki tekin með).

Mikið er ég sammála ÞESSU.

TIPS OF THE DAY

2007-01-06T08:04:00.000Z

from chatty.cath
**
The quickest way to double your money is to fold it in half and put it back
in your pocket.
**
Don't squat with your spurs on.
**
To be old and wise you must first be young and stupid.
**
Remember you're unique, just like everyone else.
**
Choose your pet wisely...

...Remember that over time ----- owners begin to look like their pets...
;o)

Nýár

2007-01-01T14:00:00.000Z

Nýr dagur, nýtt ár. - Hvað mun það bera í skauti sér?

Gamla árið var mér gott. Ég hætti að vinna og byrjaði í námi. Fáar bækur lesnar, samt sem áður, þeim mun meira fjölgaði ómælandi íbúum íbúðarinnar, sem ég gægist daglega á í skápnum mínum og skoða og handleik. Á næsta ári ætla ég að vera duglegri að hreyfa mig út af heimilinu og líka að sinna betur hlutum hér innanstokks. Stúdera mataruppskriftir, baka , elda, þrífa og bjóða til mín gestum, því ég veit fátt skemmtilegra en að fá gott fólk í heimsókn. Ég hef látið plássleysi og tiltektarleti hamla mér í þeim efnum, en það er ekki endalaust hægt að horfa í það, maður verður einfaldlega að koma til dyra eins og maður er klæddur og gestir verða þá bara að sitja hver undir öðrum, þó allir muni fá sinn eigin bolla og disk.

Verið óhrædd, það er lyfta í vitanum.

Góðir hálsar!

2006-12-31T13:45:00.000Z

Um leið og ég þakka ykkur samveruna á árinu sem er að líða, langar mig jafnframt um leið að óska ykkur velfarnaðar inn í nýtt ár, sem vonandi færir ykkur uppfyllingu allra þeirra óska er ykkur búa í hjarta. Þessa kveðju samdi og sendir hafalda, öðru nafni Helgi Óskarsson, sem frábiður sér allar neðanmálsgreinar frá Óskari bróður sínum við þessa orðsendingu.

Þetta er jafnframt og í leiðinni áramótakveðja frá saumakonunni sem gerðist vitavörður, það er að segja eiganda þessa bloggs, og líka frá Óskari.

Jólin

2006-12-28T13:07:00.000Z

Þetta hafa verið tíðindalítil jól. Við borðuðum hamborgarhrygg á aðfangadagskvöld og fórum í miðnæturmessu í Hallgrímskirkju. Það var mjög hátíðlegt. Svo borðuðum við hangikjöt, uppstúf og laufabrauð á jóladag. Á annan var bara snarlað af afgöngum og í gærkveldi snæddum við uppáhaldsmatinn minn, soðna ýsu með kartöflum, spergilkáli og gulrótum og smjöri út á. Namm.
Höfum ekkert farið annað en í messuna og svo í smá bíltúr út að vita á Seltjarnarnesi. Ég fékk tónlistardisk frá Óskari, ég gaf honum bók og svo fengum við peninga frá pabba hans og mömmu og miða á nýárstónleika Simfóníunnar frá pabba mínum og mömmu.
Á laugardaginn fer ég í fjölskylduboð hjá Ásdísi, ekkjunni hans Hauks frænda sem lést í haust; ég hlakka til.
Ég fékk fimm góðar bækur í Góða Hirðinum í gær: Glataðir snillingar eftir William Heinesen, Nostromo eftir Joseph Conrad, Endastöðin (Síðasta æviár Tolstojs) eftir Jay Parini, Saga sonar míns eftir Nadine Gordimer og Móðirin eftir Maxim Gorki. Allar þessar "velmeðförnu" kiljubækur fékk ég til samans á 500 kr. (100 kr. stk.). Auk þess fékk ég ókeypis Pétur Most, Salamöndrustríðið, bók sem heitir "Hvorfor skjøt vi på hverandre" og er samtalsbók milli Heinrich Böll og Lev Kopelev og sjálfshjálparbók sem heitir "Don´t grow old - grow up!"
Ég er að hugleiða nýársheit þessa dagana. Það munu verða innleiddar nýjar áherslur í lífi mínu á nýju ári (dúló...he,he...!!!)
Sem óðast að venjast Nýja Blogger, þetta er bara fínt.

2006-12-27T21:27:00.000Z

Jólaeldhús Nigellu

Nammi, namm...!!!

2006-12-27T10:11:00.000Z

Ég tók upp breytt blogg í boði Blogger, ekki viss um að ég kunni alls kostar við þetta form, finn svo sem engan mun, þó póstarnir birtist hraðar. Tókst að eyðileggja minningarbloggið um Jóku, þegar ég hafði klikkað á vitlaust blogg til að breyta, og það er úr sögu, ég lét það hverfa í blogggáminn. Ásamt fleiri bloggum sem ég lét þá hverfa í leiðinni. Enda eru blogg dægurfyrirbrigði en ekki nein eilífðarspursmál, er það nokkuð? Rétt eins og svo margt fleira.

Gleðileg jól!

2006-12-24T14:18:00.000Z

Heims um ból
helg eru jól.
Signuð mær
son Guðs ól;
Frelsun mannanna, frelsisins lind,
frumglæði ljóssins, en gjörvöll mannkind
meinvill í myrkrunum lá.

Heimi í
hátíð er ný.
Himneskt ljós
lýsir ský;
Liggur í jötunni lávarður heims,
lifandi brunnur hins andlega seims,
konungur lífs vors og ljóss.

Heyra má
himnum í frá
englasöng:
Hallelújá!
Friður á jörðu, því faðirinn er
fús þeim að líkna er tilreiðir sér
samastað syninum hjá.

Vers af denne verden

2006-12-23T19:05:00.000Z

Der brænder et lys
i min stue.
Det holder jeg
hånden mod.
Hvor stråler
dets varme venlig.
Hvor føles den
tryg og god.
Hvad blev der af
varmen i verden?
Hvornår skal dens
magt fornys?
Vi går på en jord,
hvor man trænger
til varmen fra
et lys.

~Piet Hein

Pabbi Tomma og Jenna

2006-12-19T05:23:00.000Z

Joe Barabara, maðurinn sem ásamt félaga sínum Bill Hanna skapaði teiknimyndapersónurnar Tom and Jerry, Fred Flintstone & Co., Scooby Doo og margar fleiri, er dáinn, 95 ára gamall. Lesið um hann HÉR

Ég er eins og...

2006-12-17T17:15:00.000Z

Carole Lombard
You scored 26% grit, 19% wit, 42% flair, and 30% class!

You're a little bit of a fruitcake, but you always act out in style. You have a good sense of humor, are game for almost anything, but you like to have nice things about you and are attracted to the high life. You're stylish and modern, but you've got a few rough edges that keep you from attaining true sophistication. Your leading men include William Powell, Fredric March, and Clark Gable. Watch out for small planes.

Find out what kind of classic leading man or classic dame you'd make

Fundið á netinu: Gyðingagrín í desember

2006-12-17T14:05:00.000Z

A Jewish husband and wife were having dinner at a very fine restaurant when this absolutely stunning young woman comes over to their table, gives the husband a big open mouthed kiss, then says she'll see him later and walks away.

The wife glares at her husband and says, "Who the hell was that?"

"Oh," replies the husband, "she's my mistress."

"Well, that's the last straw," says the wife. "I've had enough, I want a divorce!"

"I can understand that," replies her husband, "but remember, if we get a divorce it will mean no more shopping trips to Paris, no more wintering in Barbados, no more summers in Tuscany, no more BMW in the garage and no more yacht club. But the decision is yours."

Just then, a mutual friend enters the restaurant with a gorgeous babe on his arm.

"Who's that woman with Moishe?" asks the wife.

"That's his mistress," says her husband.

"Ours is prettier," she replies

Vinternattesolskin

2006-12-17T09:48:00.000Z

Jovist er det nat i verden.
Jovist er det mørkt i himlen.
Jovist vandrer solen sin
underjordiske nattevej.

Og dog kan jeg ikke sove
for lys gennem lukkede øjenlåg
fra blændende solreflexers
spøgende natteleg.

For solen skinner på månen,
og månen skinner på sneen,
og sneen skinner på loftet
og loftet skinner på mig.

~Piet Hein

2006-12-14T11:18:00.000Z

Uti Vår Hage - Norsk Sluttstrøm

Líka þetta!

2006-12-14T11:00:00.000Z

Danish language

Snilld!

Jólafrí

2006-12-13T21:55:00.000Z

Seinasta (seinna) prófið í dönskunni var í dag, svo nú er ég komin í jólafrí og fer að jólast eithhvað svona og þess háttar. Ekki það að ég sé nú neitt sérstakt jólabarn, ég tek þessu öllu með mikilli ró og geri sem minnst fyrir jólin. Hripa á nokkur jólakort, kaupi nokkrar jólagjafir og pakka inn, laga vel til og skreyti smá og kaupi eitthvað gott í matin. Þannig er nú það.

Um helgina...

2006-12-09T01:56:00.000Z

...laugardagur og sunnudagur eru söludagar í Kolaportinu hjá mér...að þessu sinni til ágóða fyrir sjálfa mig!

Það gekk mjög vel og mér fannst rosa gaman að vera þarna að selja...ég held ég sé barasta komin með nýja bakteríu...sem sé Kolaportssölubakteríuna! Það liggur við að mig langi til að fara með meirihlutann af eigum mínum og koma þeim í verð þarna niður frá!

Sem minnir mig nú reyndar á að ég hef einu sinni komið inn á heimili þar sem íbúarnir höfðu gert akkúrat það...sem sé tæmt heimilið til að selja í Kolaportinu...það var nú heldur tómlegt um að litast og ekki mjög heimilislegt, verð ég að segja.

Kíkið á þetta...

2006-12-03T16:39:00.000Z

...klikkið á myndina...

Ég held...

2006-11-30T10:40:00.000Z

...að það séu allir hættir að lesa bloggið mitt,... líka ég sjálf! Eru allir búnir að gleyma mér? :(
(Ég er tvisvar búin að missa teljarann minn út vegna slysa á Blogger, ég hef ekki nennt að setja þann þriðja inn!)
Það fer nú víst líka að verða kominn tími á að endurskoða uppsetninguna eitthvað og henda út óþarfa dóti, rétt eins og af heimilinu mínu og hugsanlega úr heilabúi mínu líka. :) Bloggið mitt er nefnilega töluvert lýsandi fyrir söfnunaráráttu mína, eins og sjá má á öllum þeim myndum og línkum sem hrúgað er hér inn. Stundum þrái ég einfaldleika í einu og öllu, gengur samt kannski ekki nógu vel að koma honum á í lifnaðarháttum mínum, sem eru nú samt sem áður, að ég held, mun einfaldari en margra annarra.

Úff...

2006-11-21T22:27:00.000Z

Ég sit með galtóman heila og brýt hann yfir því um hvað í ósköpunum ég geti skrifað sem frjálst verkefni í dönsku máli og málnotkun, sem ég átti að skila í GÆR!!!
Nei, ég held ég sé bara hætt í dönsku, ég er víst enginn helv... akademiker! Ég hef ekki geð í mér til að skrifa einhverja lærða ritgerð upp úr einhverju sem ég sanka að mér af lesefni eftir aðra og sjóða svo ritgerðargraut upp úr því. Svei mér þá :(

P.s. Fann mér loks ritgerðarefni sem ég hef nú víst ástríðufullan áhuga á þessa dagana og er þess vegna mjög nærtækt, þar sem ég veit orðið heilmikið um það, og það tengist svo sannarlega menningu, eins og til er ætlast...hvað annað en...DÚKKUR!
Sendi kennaranum rétt í þessu yfirlit yfir hvernig ég hyggst byggja ritgerðina upp, eins og verkefni vikunnar hljóðaði upp á...samt mun styttra en hann býst við...eiginlega örstutt...en verður að duga! He, he....

Kolaportið

2006-11-20T09:37:00.000Z

Ekki get ég nú sagt að ég sé yfir mig ánægð með söluna í Kolaportinu. Það gekk alveg ágætlega á laugardeginum, svo ég ákvað að vera líka á sunnudeginum. Um nóttina byrjaði að snjóa og allt fór á kaf! Það er ég viss um að dró mikið úr sölunni, fólk nennir örugglega miklu síður að fara neitt þegar allar götur eru fullar af snjó, ég var raunar hissa hvað þó margt kom. En afrakstur sunnudagsins var heldur rýr, rétt aðeins rúmlega fyrir leigunni á básnum þann dag.
Bratzdúkkurnar 4 sem ég var með seldust allar; eina keypti ungur, "þvottekta" íslendingur, hinar þrjár keyptu asíukonur. Þrjár Nancy Ann Storybook dúkkur í upprunalegum kössum seldust allar. Það seldist svo bara ein af "smádúkkunum" sem ég var með, það var amerísk kona sem keypti eina af þeim ódýrustu frá Rexard, af því hún átti svo lítinn pening, sagði hún. Hún dáðist líka mikið að því að salan væri til góðgerðarmálefnis og sagði að ef ég hefði verið að selja svona í Ameríku myndi vera búið að rífa allt út hjá mér, litlu krakkarnir myndu líka vera búnir að koma með sparibaukana sína. Ég heyrði á henni að henni finnst Íslendingar frekar tregir í þessum efnum, "já, þeir leggja víst frekar bara inn á bankareikninga" sagði hún. En þetta er alveg rétt hjá henni, það virðist engu máli skipta að verið sé að selja til styrktar góðu málefni, fólk spáir bara í verðið og vill fá allt sem ódýrast. Mömmurnar neita að kaupa litla bangsa handa krökkunum á 200 kall þó þá langi í þá. Það voru bara 200 krónur í söfunarbauknum litla sem ég var með frá SOS barnaþorpunum eftir þessa 2 daga!
Satt að segja er ég frekar hneyksluð á samlöndum mínum og hallast að því að sonur minn hafi rétt fyrir sér þegar hann segir við mig: "Mamma, þú átt bara að flytja til útlanda, þú passar ekkert inn í þetta þjóðfélag hér!"
Eins og heyra má er ég frekar neikvæð eftir reynsluna af "ekki" sölu sunnudagsins, þar sem ég fékk fullt af fólki að skoða ("oserum" eins og Danir segja). En ég er samt búin að panta mér aftur bás aðra helgina í desember og ætla að reyna að selja aðeins meira, en í þetta sinn verð ég búin að lækka verðið töluvert og verð bara að selja fyrir sjálfa mig.

Væ...

2006-11-17T17:03:00.000Z

...núna er ég að verða dálítið spennt og líka dálítið stressuð! Skyldi þetta ganga upp hjá mér að selja þessar dúkkur mínar, vill einhver kaupa af mér???
Allt að verða tilbúið, allar dúkkur komnar í kassa og bara eftir að taka sig til og saman í andlitinu. :)

Sjáumst í Kolaportinu!

Bara...

2006-11-10T15:53:00.000Z

...að láta vita af því að ég er hér ennþá! Potast áfram í dönskunni og kaupi dúkkur á eBay þess á milli. Búin að fá mér kassa og pakka fullt af dúkkum í þá, því ég verð í Kolaportinu, laugardaginn 18. nóvember, frá kl. 11-17, með fullt af fallegum litlum vinkonum mínum og vinum, sem ég mun selja hverjum þeim sem áhuga hefur. Engin skilyrði sett fyrir því að mega kaupa önnur en að finnast þau sæt og krúttleg!

Allur ágóði rennur til
SOS barnaþorpanna!

Jæja,...

2006-10-31T12:37:00.000Z

...það er léttari á mér brúnin í dag en í nótt, þegar ég skrifaði síðasta pistil, enda skín sólin glatt og ég er búin að fara í tvo tíma í dönsku máli og málnotkun, sem eru skemmtilegustu tímarnir í dönskunni. Svo ætli ég sé nokkuð að fara að hætta, og reyni ekki heldur að þrælast áfram með þetta nám. Svo fór ég og talaði við forseta guðfræðideildarinnar um að fá að sitja þar í tímum að gamni mínu, sem reyndist Guð-velkomið. Verst að ég held að margir tímanna á 1. ári þar stangist á við dönskuna. En mér datt þetta í hug vegna þess að við vorum í dönskutímunum í morgun uppi á eftsu hæð í aðalbyggingu háskólans, þar sem mér finnst ég ennþá eiga hálfpartinn heima, síðan ég var í guðfræðideildinni fyrir fjórum árum síðan.

Æ, æ, æ,...

2006-10-31T00:14:00.000Z

...því miður þá hundleiðist mér í dönskunni þessa dagana. Mér leiðist dönsk málfræði alveg hryllilega, þar fyrir utan á ég mjög erfitt með að gera mér upp skoðanir upp á 2 blaðsíður um 2 örstutt vídeó, þar sem maður er leiddur í gegnum sali Kristjánsborgar annars vegar og um það hvernig kosningar fara fram í Danmark, í mjög stuttu máli, hins vegar! Því miður átti ég engan veginn von á að mér myndi þykja þetta nám svona leiðinlegt eins og reyndin er... >suk< :(

Ég er alvarlega að íhuga að söðla um og skrá mig frekar í tíma í listfræði eftir áramót...??? Þá væri ég náttúrlega líka komin í fagið sem ég tjáði Vigdísi, frönskukennaranum mínum, á sínum tíma að mig langaði til að læra, en þá þurfti maður að fara utan til þess arna (ég minnist þess reyndar einnig að ein bekkjarsystra minna, upprennandi lögfræðingur, flissaði þegar ég lét þennan draum í ljós og fannst þetta greinilega drepfyndin hugmynd!). Ég veit að ein bekkjarsystra minna úr menntó sem er útlærður bókmenntafræðingur og hefur starfað við það í mörg ár (og er reyndar gift öðrum stjörnulögfræðingnum úr MH, sú upprennandi frá því áðan er gift hinum) er í þessu námi.

Mér gengur illa að stoppa mig af í eBay-mennskunni, þar sem ég get ekki hent því út af favorites fyrr en ég er búin að móttaka allt og gefa einkunnir, það er bara mjög freistandi að fara að skoða alltaf og nú er ég að verða svo ansi snjöll í því líka og komin með æði fyrir þýskum Trachten Puppen, Gura, Schmider, Schmidkro(e)t, Turtle mark...und so weiter! Fékk um daginn ansi fína bók um dúkkuviðgerðir sem mér líst ljómandi vel á að notfæra mér...hmmm...svo hugsa ég að ég fái mér líka bók sem heitir "European Costume Dolls" og mér líst svakalega vel á...tra, la, la...

Jólagjöfin frá mér í ár verður...ha,ha,ha, getið þið giskað....?!!!

Púff, skammdegisdrunginn, myrkrið og kuldinn er að hellast yfir mann þessa dagana; ég hlakka til þegar Óskar kemur aftur suður nú í vikulokin, for good í þetta sinn. Svo er líka Guði sé lof kominn 1. nóvember næst þegar skiptir um dagsetningu, ég veit fátt verra en að vera blönk, sem ég er búin að vera síðan ég kom heim frá Danmark, því ég asnaðist til að leysa út úr tollinum helling af DÚKKUM sem biðu mín þar þegar ég kom heim og hefðu þess vegna alveg mátt bíða þar áfram fram til 11. nóvember, - svona er ég nú stundum fljótfær. En nú hillir líka undir fyrirheitna endurgreiðslu ferðarinnar frá danska utanríkisráðuneytinu, peningarnir eru víst komnir til Háskóla Íslands og bara eftir að útdeila þeim á viðeigandi einkareikninga, reyndar ekki eftir neinu að bíða öðru en EINNI námsmey, sem enn á eftir að láta vita um númerið á bankareikningnum sínum, en fyrr verður ekki greitt út en ÖLL númer eru komin - henni liggur greinilega minna á aurunum sínum en okkur hinum. En því miður verðum við svo víst að greiða skatt af þessum peningum, skilst mér, og líkast kemur þessi greiðsla líka til með að lækka örorkulífeyrinn minn; vonandi er ekki hreinlega bannað að móttaka slíka styrki ef maður er úrskurðaður öryrki, það væri svo sem alveg til í dæminu en alveg fáránlegt þá að refsa fólki fyrir að klóra í bakkann með að vilja læra eitthvað - en hvað veit ég, örvasa konan, nei segi bara sona.

Skrítið...

2006-10-25T11:42:00.000Z

...hvað sálin í mér er alltaf lengi að rata aftur heim frá útlöndum...

Nú er víst kominn vetur á Íslandi, skítkalt úti, laufin falla sem óðast og sólin skín lágt á himni og beint í augu manns, svo maður er skítnervus í umferðinni.

Þakklæti

2006-10-21T11:21:00.000Z

Þessa sögu sendi Ragna systir mér:

Gömul kona gekk eftir ströndinni með barnabarn sitt sér við hönd. Allt í einu kom risastór alda sem hreif barnið með sér út í sjóinn þar sem það hvarf gömlu konunni. Gamla konan fell á kné og fórnaði höndum í skelfingu. Hún hrópaði á almættið og bað þess að hún fengi barnabarn sitt aftur, hún myndi gera hvað sem væri til þess að svo mætti verða.

Eins og hendi væri veifað kom önnur stór alda sem fleytti barnabarninu aftur upp á ströndina til ömmu sinnar. Gamla konan varð mjög glöð við að fá barnið aftur, hún horfði á það smá stund, leit síðan út á hafið og sagði við almættið:... ”Heyrðu! ... hann var nú með húfu”.

Kíkið á þetta:

2006-10-21T10:41:00.000Z

Af litlum neista...

Aftur heima

2006-10-20T18:19:00.000Z

Þá er ég komin aftur heim í heiðardalinn, eftir mjög vel heppnaða og skemmtilega ferð til Kaupmannahafnar. Þetta var sannkölluð vítamínsprauta og lyfti sálartötrinu marga kílómetra upp á við, myndi ég segja. Við vorum mjög heppin með veður, um 14 stiga hiti allan tímann og ýmist léttskýjað eða sólskin alla dagana. Það var ekki fyrr en daginn sem ég fór, það er að segja í gær, að það var kominn dumbungur og mistur yfir borgina. Svo þarf ég bara að finna út úr því hvernig ég tengi nýju, stafrænu myndavélina mína við tölvuna, svo ég geti sýnt myndir úr ferðinni.

Núna hillir líka, blessunarlega, undir endalokin á mínum umfangsmiklu eBay viðskiptum, innkaupalistinn tæmdur og ég á bara eftir að taka á móti 15 "items" og gefa þeim einkunn. En mér finnst dálítið gaman að ég er búin að fá 4 sinnum gjafir með í pökkunum, það finnst mér alveg frábært.

Ef ykkur vantar...

2006-10-11T12:50:00.000Z

...dúkkur, af öllum stærðum og gerðum, eða gamaldags skartgripi, þá talið bara við mig! :) - Það er að segja þegar ég kem aftur heim frá Danmörku.
Annars hillir undir endalok eBay viðskipta minna, sem betur fer; ég varð líka að stoppa til að fara til Danmerkur, því ekki fer ég að sinna þeim þaðan!
Annars er mig farið að langa til að prófa að selja þar líka, ekki bara að kaupa. Vandamálið er bara hvað hægt er að bjóða fólki í útlöndum til kaups sem það væri tilbúið að borga flutningskostnað fyrir, sem oft er stór hluti verðsins, þegar upp er staðið. Það yrði að vera eitthvað sem væri mjög spes. Til dæmis eitthvað eins og ein sænsk kona er með, en hún selur til dæmis gamla, sænska handavinnu á eBay.

Jæja...

2006-10-07T22:34:00.000Z

<-Schæffergården í Gentofte, þar sem við 1. árs dönskunemar munum búa í 6 daga og nætur, og fá MJÖG gott að borða!

...það styttist í Danmerkurför. Námið sækist ágætlega, þó ástundunin sé kannski ekkert til að hrópa húrra fyrir. Það kemur mér til góða að vera þokkalega góð í málinu. Mér finnst skemmtilegast í dönsku máli og málnotkun; ég fíla kennarann og hann fílar mig! Hins vegar leiðist mér málfræðin alveg hryllilega, vonandi þrælast ég þó til að taka sæmileg próf í henni, þó ég nenni ekki að mæta í tíma. En þarf nú svona að fara til þess að prenta réttu latnesku málfræðihugtökin inn í heilabúið, svo ég muni geta framkvæmt umbeðin dæmi, þar sem maður þarf að kunna þessi réttu hugtök.
Óskar fór aftur austur í dag; var heima í viku, en var að vinna á fullu allan tímann við að innrétta nýja stúdíóið hans Hilmis Arnar. Það kom sér vel að hafa hann með sér um síðustu helgi í Kolaportinu, ég veit satt að segja ekki hvernig ég hefði farið að því án hans. Salan gekk sæmilega, var þó heldur dræm, enda verstu söludagarnir, að því er reyndir Kolaportssalar tjáðu mér. - Fórum út að borða í gærkvöldi á Shalimar, uppáhalds veitingastaðnum mínum. Vonandi hefur hann það bara gott þarna í heimabyggðinni.
Ég var á löngum fundi hjá samfrímúrurum í dag til að undirbúa næsta fund, á mánudaginn kemur, sem er fyrsti fundur okkar á önninni. Það verður mikið um að vera hjá okkur á þessari önn, alveg fram að jólum, en því miður má ég auðvitað ekki skýra frá þessu í smáatriðum, eðli málsins samkvæmt, þar sem efni fundanna er leyndarmál.

Hreinlætistæki

2006-09-25T11:15:00.000Z

Svona baðkar, vask og klósett átti ég þegar ég var lítil, nema hvað mitt sett var ennþá krúttlegra, með myndum af sjávargróðri og dýrum á vaskinum og baðkarinu. Ég man ekki alveg hvort ég á ennþá baðkarið einhvers staðar niðri í kassa, en klósettinu og vaskinum tókst sonum mínum að rústa þegar þeir voru litlir. Svo sem ekkert mál að rústa klósettinu, með setu og loki sem hægt var að opna og loka, en vaskinum rústaði Eysteinn með því að tylla fætinum á því (sem var holur að innan) yfir pinna fyrir Carmen-rúllur og setja svo í samband. Það var lán að ég fann hitalykt áður en vaskurinn bráðnaði yfir tækið eða það kviknaði í, en fóturinn var auðvitað orðinn kengboginn. Þetta er bara eitt dæmi af mörgum um frábæra snilld frumburðarins við að rústa hlutum! Einu sinni setti hann til dæmis "bensín" (það er að segja vatn) á bílinn hans afa síns á Húsavík. Blöndunartæki á sturtu í læknishúsinu á Þórshöfn rústaði hann með berum höndunum þannig að pípari gat ekki einu sinni lagað það (hann klóraði sér bara í hausnum og skildi ekkert í því hvernig barnið heði farið að þessu!) og það varð að kaupa nýtt. Hann bræddi líka einu sinni úr ryksugu heimilisins þegar hann var að gefa Barbapapa súrefni með innsoginu! Aldrei fékk ég á vissu tímabili að hafa varaliti eða kúlupenna í friði, þeir voru annars vegar brotnir og hins vegar skrúfaðir í sundur og gorminum týnt, þrátt fyrir það að sonurinn ætti að vita að veskið hennar mömmu væri friðheilagt, það mátti aldrei og alls ekki taka neitt úr því. Eins heimtaði ég þau lágmarks mannréttindi að fá að vera í friði á baðherberginu, það var þó samt ekki alltaf farið eftir því, heldur bankað á hurðina og kallað: "Mamma, ertu ekki að koma?!"
En þessi pínulitlu plasthreinlætistæki sá ég sem sagt auglýst á uppboði á eBay um daginn, en tímdi ekki að bjóða í, bæði minnir mig að mér hafi þótt þau orðin heldur dýr og eins fannst mér víst hálf kjánlegt að borga rándýra sendingu og toll af svona gömlu dóti. En kannski á ég samt sem áður eftir að versla eitthvað af húsgögnum fyrir dúkkuhús frá Ameríku, ef ég rekst á eitthvað reglulega fallegt, í stíl við húsgögnin sem Heiða átti einu sinni, ef það kostar ekki fleiri tugi ef ekki hundruð dollara.

3/10 P.s. Svo fór það vitanlega þannig að ég rak augun í NÁKVÆMLEGA ALVEG EINS sett og ég átti á eBay, fyrir utan að vaskinn vantar. Svo ég fór á stúfana og bauð og vann, þannig að á næstunni verður þetta yndislega sett á leiðinni til mín í pósti! Ég þarf bara að byrja á því að þvo það ofurvarlega þegar ég fæ það, svo málningin skaddist ekki, seljandinn sagðist hafa viljað eftirláta væntanlegum kaupanda hreingerninguna.
(Já, þetta finnst MÉR fallegra en Bing & Grøndal!)

...Og með því koma reyndar þessar fallegu jólabjöllur til að bretta út, sem ég vann af sama aðila. Svona bjöllur voru til heima þegar ég var lítil. Þetta var örugglega með því fyrsta af svona dóti sem var flutt til landsins eftir seinni heimstyrjöldina.

Rear Window

2006-09-22T21:46:00.000Z

Við Úlfur fórum síðast liðið þriðjudagskvöld og sáum "Rear Window" eftir Hitchcock í Bæjarbíói. Aldeilis frábær upplifun, alveg yndisleg mynd af gamla skólanum, "exquisit", vel gerð mynd eins og höfundar var von og vísa. Líka fannst mér gaman að sjá þessa yndislegu, gömlu tísku frá miðri síðustu öld, svo kvenleg og fáguð, en sennilega hefur tilveran hjá kvenfólkinu nú verið töluvert erfiðari á meðan tískan gerði kröfu til þess að konur væru fágaðar dömur sem sómdu sér í hvívetna. Grace Kelly var náttúrlega skólabókardæmi um eina slíka, dýrlega falleg kona.

Horfið á þetta:

2006-09-16T15:31:00.000Z

Fréttakona SKY News tekin í BAKARÍIÐ!

Ég man að meðan ég sinnti enn morgunverði á Hótel Frón, þar sem Sky News var yfirleitt látið ganga á skjánum yfir hausamótum hótelgesta á meðan þeir snæddu, að skipun eins eigendanna, þá komu bandarísk hjón og báðu mig please, please, að skifta um rás, svo þau hefðu lyst á morgunmatnum sínum. Svo ekki eru nú allir kanar mjög ánægðir með framgöngu fréttamanna þessarar stöðvar.

Annars fór ég í dag og sá "Limelight" (1952) í Bæjarbíói, það var hreint frábært, eins og við var að búast þar sem einn af mestu meisturum heimsins í kvikmyndagerð var á ferð.

Wikipedia: Limelight

Pólska dansparið

2006-09-15T14:23:00.000Z

Ég var nú búin að tala um að hætta að vera með dúkkusögur hér á síðunni, en þessa verð ég að setja hér, þar sem þetta eru held ég þær dúkkur sem mér þykir vænst um af öllum sem ég hef keypt. Þetta er pólskt par, sem ég fékk sent frá Los Angeles í Kaliforníu. Það er gert í Póllandi einhvern tíma á síðustu öld. Þau skötuhjúin eru dálítið gulnuð og rykug, enda búin að standa uppi í hillu hjá afa seljandans árum saman, sem minjagripur frá ferðalögum til Póllands. Þau eru ekki stór, maðurinn er 14 cm, með hattinum. Ég læt hér fylgja með að gamni bréf sem ég fékk frá seljandanum, þegar ég skrifaði honum og bað hann um að segja mér frá því sem hann vissi um parið.

"
Greta

I am happy you are looking forward to receiving the Polish dolls. They were in my Grandmothers house on the shelf in my Grandfathers study. Both of my Grandparents were from Warsaw, Poland but lived in the USA for many years. We have some aunts and uncles still in Poland but not many. I am sorry I don't know how old these dolls are. They had several different items from Poland, most were gifts and pieces brought back from trips that they took or my aunt took. I know as they got older nobody traveled back and forth any longer, that stopped I think in the 70's. I wish I knew more to share.
I am curious, are you Polish too?

Chris
"

Dúkkusögur

2006-09-13T17:35:00.000Z

Til þess að yfirfylla ekki bloggsíðuna mína með endalausum dúkkusögum af því mikla magni af dúkkum sem ég hef eignast í gegnum eBay, þá hef ég ákveðið að einfalda málin við að standa við loforð mitt um að sýna þær hér og hlaða myndum af þeim inn á Flikr jafnóðum og þær berast mér.

Get samt ekki stillt mig um að segja frá einna sérkennilegustu dúkkunni sem ég hef keypt og þeirri einu, held ég, sem getur kallast antík. Þetta er máluð dúkka úr einhvers konar leir eða "bisque", eldgömul held ég, veit samt ekki síðan hvenær, en henni var lýst sem ítalskri eða "latino" í sölulýsingunni. Mjög sérkennilegur og skondinn andlitssvipur á henni. Og hún var þvílíkt grútskítug þegar ég fékk hana heim að dyrum í gærkvöldi að ég hef nú bara aldrei nokkurn tíma séð annað eins! Greinilega flinkur ljósmyndari sem gerði myndina af henni, þar er hún öllu ljósari öll og snyrtilegri, í rauninni er hún frekar dökk.

Svo var ég viss um að ég væri búin að eyðileggja hana gjörsamlega í fyrstu tilraun minni til að heinsa hana, því svona dúkka þolir náttúrlega ekki vatn og málningin bara springur. Í einhverju bríaríi fór ég að þvo hana, heldur óvægilega, og ég kann náttúrlega akkúrat ekkert fyrir mér í að gera upp gamlar dúkkur. En ég held ég hafi reddað henni með því að "endurmála" á henni andlitið með olíulit og restin er náttúrlega að mestu hulið af fötunum. Sem ég hef hugsað mér að endurnýja að fullu og hafa gömlu fötin til hliðsjónar. Sjalið og pilsið voru rifin og tætt (ég vissi nú af því með pilsið, og eigandinn tiltók líka að "taskan hennar væri mjög skítug", en sem sagt ekki að hún væri það öll!) og hatturinn hennar og taskan eru úr filti, ekki svo gott að þrífa. Það eina sem hún fær að hafa áfram sem er gamalt er svuntan, sem ég uppgötvaði eftir þvott að er fjólublá, en ekki svört, eins og ég hélt! En ég hugsa að hún verði bara (aftur) mjög sniðug þegar ég verð búin að laga hana til, en það fannst mér ég verða að gera, þar sem hún var ekki í húsum hæf svona koldrullug af áratuga gömlum skít.

Enn um dúkkulísur

2006-09-13T09:59:00.000Z

Þessar dúkkulísur var ég rétt í þessu að kaupa á uppboði á eBay. Það skal viðurkennt að þær eru dýrasti einstaki hluturinn sem ég hef keypt þar ennþá. Þær Carol og Betsy kostuðu nú samt ekki nándar nærri jafn mikið og Kim Novak, heldur kostuðu þær "bara" $68 (Í.kr. 4.827.32 á gengi dagsins). Mig rak í rogastans þegar ég sá þær fyrst boðnar upp, því nákvæmlega þessar fallegu lísur voru til á okkar heimili í gamla daga, ég man nú ekki nákvæmlega hvaða systirin af þessum þremur elstu fékk þær, frekar en með svo margt annað (móðir okkar ruglast reyndar oft í þessu líka). Bókin er heil og algjörlega óklippt. Eftir nokkra umhugsun ákvað ég að slá til og bjóða í og reyndist svo vera eini aðilinn sem bauð, þannig að ég fékk þær á þessu uppsetta byrjunarverði. Heppin!

Þessa bók sá ég reyndar líka boðna upp á eBay, en svona bók fékk að gjöf frá jafnaldra mínum, honum Sverri, syni prestsins á Klaustri, þegar ég varð að því er mig minnir 4 ára. En þar sem ég á það eintak enn er ég ekkert að bjóða í hana á eBay! :)

Kim Novak

2006-09-06T20:05:00.000Z

Þessi Kim Novak dúkkulísa er boðin upp á eBay núna. Byrjunarverðið var $0.99, en núna þegar ég skrifa þetta, 5 dögum áður en uppboðinu lýkur, er hún komin upp í $32.99.
Vinsæl dama!

Getið þið annars getið upp á hvaða íslensk fjölmiðlakona minnir mig á Kim Novak? :)

P.s. Vá, hún endaði í $199, eða ríflega 14.000 íslenskum krónum, sem sjá má ef þið farið inn á linkinn hér fyrir ofan. Hver sem ætti nú gömlu dúkkulísurnar í heilu lagi ennþá og gæti boðið þær upp á eBay. Það hefði getað verið ansi góð búbót, það er að segja ef maður hefði þá tímt því!

Þessa litlu elsku...

2006-09-06T10:39:00.000Z

...sótti ég á pósthúsið í gær og skrautlega litla manninn með henni. Seljandinn kallaði dömuna "The Ciquita Banana Beauty", virðist vera að sum fyrirtæki í Bandaríkjunum hafi á sínum tíma dreift litlum dúkkum til góðra viðskiptavina, eða þannig skil ég það. Maðurinn er auðvitað í gríska þjóðbúningnum fyrir karlmenn, þeir eru líka pilsklæddir, eins og skotarnir, þó minna grín sé gert út af því, einhverra hluta vegna. Hún er 22 cm á hæð, með höfuðbúnaðnum og hann er 19 cm.

Krókódílakallinn

2006-09-04T10:42:00.000Z

Þennan mjög sérstaka náunga, Ástralíumanninn Steve Irwin, sá ég einhvern tíma í kvöldþætti hjá Jay Lenno, á meðan ég nennti enn að horfa á þá. Hann varð mér mjög minnisstæður, sem sést á því að ég skuli enn muna eftir honum, meðan að oft rennur margt af þessu fólki sem kemur í heimsókn til Lenno svona nokkuð liðlega í gegnum heilasellur mínar.
- Svona fór þá fyrir honum.
Blessuð sé minning hans.

Dúkkulísur

2006-09-04T03:31:00.000Z

Mér datt í hug, af því að rætt var um dúkkulísur, að setja hér inn það eina sem eftir er (að því er ég best veit) af hinu gífurlega umfangsmikla, á tímabili að minnsta kosti, dúkkulísusafni okkar elstu systranna þriggja. Við töldum þær einu sinni og reyndust þær vera yfir hundrað. Við, segi ég, þó að vitaskuld hafi eldri systurnar tvær líkast til átt megin hlutann af safninu. En reyndar tengist fyrsta minning mín um fláræði heimsins einmitt dúkkulísuvafstri okkar systranna. Ég sat og ríslaði mér með nokkrar slíkar spölkorn frá þaðan sem þær stóru stóðu og stungu saman nefjum. Svo heyrði ég aðra þeirra segja við hina: "Þessi er orðin svo ljót, við skulum gefa Gretu hana..." Síðan komu þær brosandi og voða "góðar" og sögðu: "Greta mín, þú mátt eiga þessa!". Ég var nú aldeilis ekki á því, sármóðguð eftir að hafa heyrt til þeirra það sem ég átti ekki að heyra (ég hef alla tíð heyrt mjög vel), svo dúkkulístötrið reif ég í tætlur og hoppaði svo á því, síðan hljóp ég grenjandi til mömmu að klaga. - En það var nú ekki þetta sem ég ætlaði að koma á framfæri, heldur ætlaði ég að sýna hér það sem eftir er af mjög fallegum þjóðbúningadúkkum sem "við" áttum (einhvern veginn held ég að Heiðu hafi verið gefnar þær), það er að segja kápan utan af bókinni sem þær voru í. Ég er að vísu búin að laga myndirnar, því þær voru með götum þar sem sem sum andlitin áttu að vera, "see through", sem dúkkulísurnar áttu að sjást í gegnum, en í götin límdi ég kópíur af andlitum hinna dúkkulísubarnanna. Þessa bókarkápu er móðir okkar búin að geyma í gegnum árin og alla flutningana og gaf mér hana sem sagt í vor, en hún er búin að vera að fara í gegnum gamla muni og gefa þá.

Höfundur "lísanna" er E.A.Voss, en hún mun hafa myndskreytt vinsælar barnabækur um miðja síðustu öld og teiknað nokkrar dúkkulísur fyrir Merrill Publishing Company.
History of Paper Dolls

Rússar

2006-09-03T14:01:00.000Z

Þessi pínulitlu kríli, 10 cm (4 1/2") á hæð, úr mjúku plasti fékk ég í gær (eða fyrradag öllu heldur, því fólkið uppi tók við pakkanum fyrir mig) sem póstsendingu, þurfti sem sagt ekki að greiða toll af þeim. Þær komu frá Englandi, en eins og lesendur kannski muna fékk ég fyrstu skeiðina í pósti frá Kanada. Það virðist vera einhver munur þar á, hvort vara er send frá USA eða annars staðar frá. Það verður fróðlegt að sjá hvort dót sem ég hef keypt þaðan og ætti auðveldlega að vera hægt að senda í bréfapósti fer í tollskoðun, til dæmis gamlar dúkkulísur, dúkkuföt og snið fyrir þau. Sjáum til.
En fyndið fannst mér að á pakkanum með dúkkunum frá Beth var lang lægsti sendingarkostnaður sem ég hef fengið, lítill flatur pappakassi sendur sem international letter og þakinn frímerkjum. Spurning hvort hún hafi fengið spes díl á pósthúsinu, kannski er hún voða sæt ljóska, því ég fann eitt ljóst, liðað hár á annarri dúkkunni. :)
P.s. Ég fékk að vita hjá annarri sölukonu að þetta er svo sannarlega rétt: Það má senda alla pakka sem vega undir 1 pundi sem bréf, með United States Postal Service, sem er langódýrasti sendingarmátinn.
Svo eru aðrir sem eru hrikalega ósvífnir, rukka mann um háa upphæð fyrir það sem á að vera hægt að senda sem bréf, og það sem meira er senda skilaboð um að maður þurfi að borga þeim ennþá meira í sendingarkostnað, senda reikning á e-mail og ætlast til að maður borgi inn á PayPal, nokkuð sem eBay varar fólk alvarlega við að gera, þar sem öll peningaútlát fólks sem verslar þar eigi að fara í gegnum þá.

Fyrstu þrjár dúllurnar

2006-09-01T14:18:00.000Z

Jæja, þá eru fyrstu dúkkurnar komnar í mínar hendur. Þær eru allar æðislega sætar og fínar.
Hér til hægri er mynd af bjútí frá Karibísku eyjunum og hér fyrir neðan indíánastelpa og lítil prinsessa, sem er tuskudúkka. Þær býð ég nú yfirleitt ekki í, heldur var þessi tekin til að leiðrétta viðskiptin milli mín og hennar Beth sem seldi mér hana. Hún er nefnilega nýbyrjuð að selja á eBay og byrjaði á því að láta mig borga helling í sendingarkostnað, sem ég, líka nýbyrjuð, borgaði umyrðalaust. En síðan sendi hún mér skilaboð um að hún hefði skoðað málið betur og þetta væri alltof mikið, bauð mér endurgreiðslu og var svo að vandræðast með hvernig hún ætti að koma henni til mín. Sjálfsagt hefði verið hægt að setja hana bara inn á Paypal, en ég bauð henni að bjóða í eitthvað lítið sem hún væri með og fá það upp í, svo þannig fékk ég nú þessa sætu prinsessu.

Svo var þetta nú merkisdagur líka að því leyti að skólinn byrjaði hjá mér í dag. Mér líst mjög vel á þetta, við erum ekki nema eitthvað um 14 sem erum að byrja í dönsku og kennararnir eru indælir, svo ég hugsa að þetta verði bara mjög kósý hjá okkur. Svo förum við, alla vega einhver okkar, til Danmerkur í viku, í október, ég er strax farin að hlakka til. Uppihaldið verður nánast frítt, með styrk frá dönum (því þeir eru svo ánægðir að einhver skuli vilja læra dönsku), en fargjaldið út/heim verðum við að borga sjálf, þó það nú væri. Þetta verður voða, voða gaman, allt saman.

Dúkkur

2006-08-31T11:51:00.000Z

Efri röð: Grikkland og suðurhafseyja, kannski Jamaica
Neðri röð: Japan, Frakkland og Danmörk

Þvílík ægileg dellukelling sem ég er! Nú er ég búin að eyða alltof miklu á eBay...í dúkkur...hef verið á dúkkufylleríi, sem sagt, og er nú að farast úr stressi. (Og svo hef ég reyndar heldur ekki vanrækt Góða Hirðinn, en nú er heimsóknum þangað lokið í bili, enda byrjar skólinn á morgun). Ég kem til með að verða að vera með mitt eigið uppboð á þessum elskum. Vill ekki einhver kaupa gamlar, "vintage" þjóðbúningadúkkur á góðu verði? Nóg úrval. Svo asnaðist ég líka til að bjóða í nokkrar postulínsdúkkur, sem eru vitaskuld rándýrar í flutningi, þar sem þær eru svo þungar. Fattaði of seint að það er leyfilegt að skrifa seljandanum og biðja hann um að taka boðið aftur, sem er honum samt sem áður algjörlega í sjálfsvald sett hvort hann gerir. En það er ég búin að gera síðan og því hefur verið ljúflega tekið. - Þær voru á svo hlægilega lágu verði að mér datt eiginlega ekki í hug annað en að verða yfirboðin, sem gerðist sem sagt ekki, þannig að ég fékk þær á samtals $7, en það bætist sem sagt upp með þóknun og flutningsgjaldi. Þessu þarf maður að passa sig á, sennilega þess vegna sem svona lítið er boðið í slíkar dúkkur, nema rándýrar antík dúkkur, sem eru aðrir kaupendur að en við venjulega "fátæka" fólkið. Set hér sýnishorn með af þeim dúkkum sem ég er búin að kaupa, en eru ekki komnar til landsins ennþá.

Þær eru ósköp sætar!

Púff, ég er eiginlega komin með yfir mig af þessum dúkkum öllum...í bili.
Vill ekki einhver koma með góða tillögu um hvað ég eigi að gera við þær (annað en að eiga þær)?

Rússneskar tréskeiðar

2006-08-29T21:02:00.000Z

Þá er næsta "item frá eBay komið í hús: 9 rússneskar tréskeiðar, 5 stórar og 4 litlar. Ein þeirra stóru finnst mér fallegust og líta mest út sem handgerð (það er sú sem er lengst til vinstri á myndinni), hinar finnst mér síðri og útlitið vera meira eins og fjöldaframleiðsla, en þær eru samt sem áður fallegar líka.
En þessar skeiðar þurfti ég að sækja í tollinn og borga næstum það sama af þeim eins og þær kostuðu í dollurum og með sendingarkostnaði samanlagt, það er að segja $16, þó svo að sá sem seldi mér þær í Bandaríkjunum hafi verið svo vinsamlegur að merkja pakkann sem gjöf (sem ég bað hann þó ekki um). Fyrsta skeiðin kom í pósti og ég borgaði ekkert af henni, sama innihald, sambærileg sending, skrítið misræmi. Svo bar ég útreikninginn á tollinum undir manninn sem leigir mér, sem er "næstum því" doktor í hagfræði, en hann botnaði ekki alveg í honum, samkvæmt þeim prósentutölum fyrir útreikningnum sem tollstjóraembættið gaf mér upp var hann ekki réttur, nema það gæti verið að þeir hefðu lagt 450,- króna þjónustugjaldið, sem tekið er fast af öllum aðfluttum vörum, við vörugjaldið og reiknað svo toll og virðisaukaskatt. Skrítin reikningskúnst það.
Með svona lökkuðum tréskeiðum borðaði rússneskt alþýðufólk alveg fram til 1950. Þær höfðu einnig annað hagnýtt gildi: Ef börnin voru óþæg fengu þau bank á ennið með einni svona! Varla mjög þægilegt, en þó skárra heldur en ef skeiðin hefði verið úr málmi.

Graffiti

2006-08-26T22:22:00.000Z

Eldri systur mínar kannast við þessar myndir, nema eina, sem var á bakvið!

Síðast liðinn fimmtudaginn tölti ég Laugaveginn, aldrei þessu vant, það er að segja þann í miðborg Reykjavíkur. Þá sá ég umhugsunarvert veggkrot, sem var mjög snyrtilega málað á húsgafl. Því miður var ég ekki með myndavél, en held ég muni þetta nokkurn veginn orðrétt:

"Why are some animals called PETS
- and other animals MEAT?"

eBay

2006-08-24T23:18:00.000Z

Undanfarna daga (eða fyrst og fremst kvöld og nætur, satt best að segja) er ég búin að liggja yfir eBay og skoða dót og svo er ég búin að bjóða í og vinna (mjög oft er ég nú eini bjóðandinn) dót þar, sem ég á von á á næstu vikum. Mér finnst þetta alveg æðislega gaman, bara eins og jólin, að eiga von á pökkum, sem ég hef þó reyndar borgað sjálf. Ég held næstum að ég hafi "inspírerast" af sjónvarpsauglýsingunni með Jóni Gnarr frá Happdrætti Háskólans! Samt er það nú ekki þannig að skilja að ég hafi fengið happdrættisvinning, enda er það borin von, þar sem ég spila hvorki í happdrættum né lottó; þó svo ég kaupi einn og einn miða sem dettur inn um póstlúguna eða er verið að selja á förnum vegi, til að styrkja góð málefni, kaupi reyndar alltaf af Krabbameinsfélaginu.

Þetta er nú allt eitthvað lítið og létt og ódýrt sem ég kaupi á uppboði á eBay, allt á innan við 10 dollara, þannig að flutningskostnaðurinn er mesti kostnaðurinn við þetta og yfirleitt ríflega helmingi meiri en varan sjálf!

Ég ætla nú að láta gott heita með þessa verslun, í bili að minnsta kosti, en ég hef hugsað mér að leyfa lesendum bloggsins að fylgjast með því þegar varningurinn fer að detta inn, því ég hef vistað allar myndir af því sem ég hef keypt. Þetta eru nú mest dúkkur, aðallega þjóðbúningadúkkur, en ég keypti líka rússneskar, handmálaðar tréskeiðar af tveimur aðilum og fyrri pakkann sótti ég á pósthúsið í dag. Það var nú bara ein skeið, sem er jafnvel ennþá fallegri í reynd heldur en hún sýnist á myndinni sem ég set hérna með. Hún var reyndar það fyrsta sem ég keypti og þess vegna líka það fyrsta sem ég fæ, geri ég ráð fyrir. Kostaði $3,99, kom frá Dorval í Quebec, Kanada.

Það var reyndar rússnesk tréskeið sem varð kveikjan að þessari eBay-verslunarskorpu minni. Þannig var mál með vexti að ég keypti svona skeið, að vísu ekki nærri því eins fallega, í Góða Hirðinum, en uppgötvaði svo þegar ég kom heim að ég hafði gleymt henni á afgreiðsluborðinu, sem þýðir það að hún er fljótlega tekin til handargagns af afgreiðslufólkinu og seld aftur, því þannig ganga nú viðskiptin bara þar á bæ, ekki verið að tvínóna við hlutina. Í ergelsi mínu og þráhyggju yfir þessari yfirsjón fór ég inn á eBay og skoðaði úrvalið þar af "russian wooden spoon", með þessari útkomu, að núna er ég búin að kaupa 10 rússneskar skeiðar (seinni pakkinn er upp á 9 stk. saman) og gommu af sætum dúkkum!

Amma Greta

2006-08-20T23:32:00.000Z

Hér er önnur mynd sem mamma lét mig hafa. Hún er af ömmu Gretu (sem ég var látin heita í höfuðið á), Grethe Ásgeirsson, ungri konu í Danmörku. Ég varð svo glöð að sjá hvað þessi litla fallega mynd kom glæsilega út þegar ég skannaði hana inn og prentaði síðan út að ég bara mátti til að deila henni með ykkur með því að setja hana hérna í bloggið mitt! Þetta er upprunalega myndin, algjörlega eins og hún var, ég hef ekkert lagfært hana.

Brúðkaupsmyndir, já...

2006-08-20T22:48:00.000Z

...þær eru fallegar og skemmtilegar, en verða svo hálf ankanalega þegar fólk skilur, því miður...

Ég var í heimsókn hjá mömmu og pabba áðan og mamma gaf mér þessar myndir, sem ég hafði reyndar ekki séð áður og vissi ekki að væru til. Hún sagðist ekkert vita hvað hún ætti að gera við þær og það veit ég nú eiginlega ekki heldur, því þó við Kristján Jón séum ósköp ung og sæt á myndinni, þá dugði það ekki til og við skildum 12 árum seinna. Þetta eru nú samt bestu giftingarmyndir sem ég hef séð af okkur, því þær sem Pétur ljósmyndari á Húsavík tók af okkur voru drungalegar og lítið varið í þær.
Þessar fallegu myndir tók pabbi hins vegar af okkur, aðra í stofunni á Ásgarðsvegi 11 á Húsvík, þar sem tengdaforeldrar mínir bjuggu og hina úti í garðinum þeirra.
Ég hugsa að ég geymi þær bara hér hjá mér og svo geta strákarnir mínir fengið eintök ef þeir vilja.

Kveðja frá liðnum tíma...

2006-08-20T13:28:00.000Z

...Eigið góðan sunnudag!

Fljótt varð þessi stúlka dugnaðarforkur: Litla frænka er voða dugleg að keyra frænda sinn í kerru. Ásta Sólveig, Lillý og í kerrunni situr kappinn Eysteinn og horfir á heiminn.

...tvær myndir fyrir Lillý, því ég veit að hún er svo dugleg að heimsækja bloggið mitt. Allar þessar myndir eru teknar á Þórshöfn á Langanesi, veturinn 1974-75, nema efsta myndin af Eysteini sofandi, sem var tekin kringum jól og áramót á Húsavík.

Hérna var svo litli gaurinn vaknaður, kvefaður og lasinn, stendur aftan á myndinni. Að vísu var þessi mynd tekin í annað skipti en hin, en "átfittið" er það sama, - pilturinn tolldi aldrei í náttbuxum, eins og sjá má.

Ha, ha, ha...

2006-08-19T21:24:00.000Z

...maður fikrar sig nú smátt og smátt áfram í tækninni... ;o)

Mengandi gáfumenn

2006-08-19T14:27:00.000Z

Hmm...var það ekki Finnur Ingólfsson, þáverandi iðnaðarráðherra, sem ég heyrði segja í fréttapistli hér um árið að það gerði ekkert til þó að ryki úr verksmiðjunni sem stóð til að reisa, þar sem reykurinn myndi allur fjúka út á sjó...það minnir mig, satt að segja...vonandi að hann og aðrir mikilsmegandi hafi aðeins menntast í umhverfismálunum síðan...

Ég var að ákveða með sjálfri mér í þessu að ég nenni ekki niður í bæ í mannþröngina á menningarnótt. Það er ekki ráðlegt að vera að þvælast þar á einkabíl og lenda í barningi með stæði og þurfa svo að þramma langar leiðir fótgangandi. Æ, nei, ég nenni því ekki! Þá vil ég heldur vera bara í rólegheitunum hérna heima hjá mér. Í staðinn ætla ég að skella hér inn til hliðar skanni af gamalli úrklippu úr Mogga með ljóði eftir föður minn. Að vísu ætti þetta ljóð kannski betur við á 17. júní, þar sem það er ort til Jóns Sigurðssonar, en ég álít samt sem áður að efni þessi geti allt eins átt vel við á afmælisdegi Reykjavíkur/Kjalarneshéraðs.

Strákamyndir

2006-08-19T13:29:00.000Z

<- Kráka stekkur yfir Jökulsá

Þrjár myndir eftir Eystein...

...og þrjár eftir Úlf.

Mamma, pabbi og Úlfur ->

Skondið par

2006-08-19T11:39:00.000Z

Set hér inn að gamni "listaverk" eftir sjálfa mig sem ég fann ofan í kassa.

<- Þessa mynd gerði ég í júní 2001, rétt áður en botnlanginn í mér sprakk, öllu heldur botnlangatotan sem ég hafði þá enn. Var sett á dúndur-sýklalyfjakúr sem fór heldur illa í mig, og svo tók við bið eftir því að láta taka þennan leka anga, sem ekki fékkst gert fyrr en í september, vegna sumarleyfa skurðlækna. Allt þetta fór heldur illa í mig, ekki síst andlega, því síðan hef ég víst ekkert teiknað eða málað.

Þessi mynd er kannski aðeins frekar í stíl við þá þanka, þó sumir séu nú bara nokkuð glaðbeittir á henni. ->

<- Þessa teiknaði ég þegar ég bjó á Sauðárkróki.

<-Þessi var gerð á Húsavík.

Þessar fimm eru frá unglingsárunum.

Afagaman

2006-08-19T00:10:00.000Z

Ljáðu afa ljúflingskæti
litli sólskinsvin
Bakvið tímans látalæti
ljómar eilífðin

Undir niðri ákaflega
ævintýragjarn
hýsir afi heimsins trega
hláturmilda barn

Má hann afi kannski kíkja
í kankvís augu þín?
Skuggar allir undan víkja
Aftur ljósið skín

Ævintýr er allt sem lifir
Ævintýr ert þú
sjórinn, landið, loftið yfir
líf í glaðri trú

Upp með fjörið, glens og gaman
Gæfan ríkti ef
allir bara syngju saman
svona glaðvær stef

Á hvítasunnu 1981
Úlfur Ragnarsson

Hirsla

2006-08-18T16:43:00.000Z

Jæja, þá get ég farið að fækka ferðum mínum í Góða Hirðinn, því í dag fékk ég hirsluna sem ég er búin að vera að leita mér að þar í svefnherbergið mitt. (Þar að auki virðist "þjóðbúningadúkku-hrinan sem búin er að vera þar undanfarna daga vera afstaðin, einhver hafði gefið töluvert safn af þeim, sem ekki var hægt að láta fram hjá sér fara ósnert!). Hún er meira að segja í nákvæmlega þeim málum sem ég var búin að setja mér sem "ideal", það er að segja 80 cm á lengd og 50 cm á dýpt, svo er hæðin líka alveg í samræmi við þá hugmynd sem ég hafði gert mér um þessa hirslu, eða 120 cm. Hirslu segi ég, því þó ég hafi verið búin að hugsa mér kommóðu þá er þessi hirsla eiginlega hvort tveggja, kommóða og skápur; þrjár litlar skúffur efst, svo kemur ein stærri skúffa og loks góður skápur neðst, undir öllu saman. Flott! Dökkgrænt og svart, sem er alveg í stíl við allt þetta bleika, bláa og græna í öðrum munum herbergisins. Það voru rispur á gripnum hér og þar, en því reddaði ég með því að tússa með svörtum "permanent"tússpenna í þær sem voru á svarta hlutanum, svo gæti ég hugsað mér að ná mér í grænan tússpenna og fara eins að við hvítu doppurnar sem eru á grænu plötunni efst, sem annars eru ekki til að tala um. Sem sagt, fínt húsgagn og gott mál. Fyrir þessi herlegheit gaf ég 2.500.- krónur, íslenskar. ;o) (Sem er um það bil 6.000.- krónum minna en ég borgaði fyrir skáp sem ég keypti í baðherbergið í Ikea um daginn). Svona fær maður á endanum allt sem mann vantar í Góða Hirðinum, bara ef maður er nógu þolinmóður.
Því miður á ég ekki enn hvorki stafræna myndavél né síma með slíku, annars myndi ég smella af til að sýna. Óskar er fyrir austan að vinna, svo ekki bið ég hann, grasekkjan.

Þetta er nú hálfgerð klámvísa...

2006-08-18T09:03:00.000Z

Í gamla daga, meðan fólk notaði ennþá molasykur með kaffinu, fengust í búðum molar svo stórir að mörgum fannst betra að kljúfa þá í tvennt og var gjarnan hafður naglbítur við höndina til þessa verks. Fyrir norðan bjó þá kona ein sem þótti all fljótfær og hafði hún einhverntíma á orði það nokkuð, meðal margra annarra gullmola, sem þarlenskir gárungar hentu vitaskuld á lofti; það er að segja það að "hún byði fólkinu nú bara klofið". Í framhaldi af því að ég var eitthvað að velta þessari konu og sögum af henni fyrir mér datt mér svo þessi (dónalega?) vísa í hug:

Í mér blóðið ólgar svo
að ekki fæ ég sofið,
best því sæmir, bara sko,
að bjóða mönnum klofið.

Svo fannst mér rétt að láta
ykkur vita af þessu:

Á rússnesku heiti ég...

Lanassa Lyuha Morozov

Hvað heitir þú á rússnesku?

Og nú er ég farin að hella mér upp á kaffið sem mig langar svooo í þegar ég horfi á myndina af kaffibollanum...en ég á nú ekki einu sinni naglbít, svo ekki verður af því að hafa neitt klofið með því.

Gömul mynd...

2006-08-17T21:15:00.000Z

Þessi mynd af mér var tekin á gangstéttarkaffihúsi í Aix en Provence í Frakklandi í júní,...ekki 1918, til þess er ég nú ekki nógu gömul og svo eru gleraugun auðvitað líka alltof stór til að það gæti staðist!...heldur 1991...
Var bara svolítið að leika mér með mynd sem var bæði illa lýst og óskýr, en sem ég hef samt sem áður alltaf haldið mikið upp á.
Þetta er þokkalegasta útkoma af þessu brölti mínu, finnst mér.

Hérna er sama myndin í tveimur blæbrigðum í lit:

Á myndina hægra megin er ég búin að setja "olíumálverks"-effekt og eitthvað hef ég líka átt meira við litinn en á hinni.

Þessi hægra megin er upprunalega myndin.

Önnur flott mynd,
úr sama ferðalagi. ->

Síðast að gamni tvær "uppflikkaðar" skvísumyndir af "moi", sú fyrri tekin á árshátíð Lansans í apríl 200, sú síðari í júlí 2003 í brúðkaupi Völu Bjartar. Smá útlitsbreyting hefur orðið á dömunni, sýnist mér, ekki satt? Og kannski á innviðunum einnig.

Mótmæli

2006-08-16T12:13:00.000Z

Hér eru myndir sem ég fékk sendar frá Reyðarfirði núna áðan. Þeir eru aldeilis ekki lofthræddir, þessir karlar, hvað sem annars má um þá segja!...
...en frábært hlýtur útsýnið að hafa verið hjá þeim köppunum í fögrum fjallablámanum þarna fyrir austan...

Það voru félagar úr samtökunum "Saving Iceland" sem stóðu fyrir þessum mótmælum, að sögn Ernu Indriðadóttur, fjölmiðlafulltrúa Alcoa á Íslandi, í fréttum RÚV núna áðan.

Höfundarréttur

2006-08-16T11:54:00.000Z

Umhugsunarverður pistill
um höfundarrétt hjá Heidi

Brúður

2006-08-16T03:28:00.000Z

Þetta er síða með ótrúlega fallegum (og dýrum!) brúðum:

Á eBay er hægt að kaupa fullt af þessum brúðum og fallegum og rándýrum fötum á þær.

Líbanon

2006-08-15T11:31:00.000Z

Kíkið á þetta blogg, sem ég setti líka inn hér til hliðar.

Ég ætla ekki að hafa mörg orð um stríðsreksturinn þarna suður frá, því mér finnst hann hryllilegri harmleikur en tárum taki. Mér finnst ekki þörf á að ræða réttmæti hans á neinn hátt, frekar en annarra mannsmorða.

Eins og alltaf eru það saklausir borgarar, sem eiga þá einu ósk að fá að lifa lífi sínu í friði, sem hafa orðið verst fyrir barðinu á átökunum.

Það er vonandi að umsamið vopnahlé í Líbanon haldi, eins og margir líbanir virðast treysta á. En eftir stendur gífurleg eyðilegging og svöðusár, sem seint munu gróa, í sálum fólksins sem þarna býr.

Vonandi fara Bandaríkjamenn líka fljótlega að fá sig fullsadda og hypja sig burt frá Írak!

Ferðalag

2006-08-14T13:23:00.000Z

Bjarnarhöfn

Í gær fór ég í dagsferð með safnaðarfélagi Áskirkju. Farið var á Snæfellsnes og voru það um 77 manns sem tóku þátt í ferðinni. Fyrst var ekið í Grundarfjörð og snæddur þar vel útilátinn málsverður á veitingastaðnum "Krákan". Síðan var ekið í Bjarnarhöfn, þar sem Hildibrandur bóndi sýndi okkur kirkjuna sína og þá dýrgripi sem henni tilheyra, meðal annars 400 ára gamla altaristöflu sem er sú fallegasta sem ég hef séð á ævinni og heilagan kaleik, sem er frá því um 700 e.Kr., að því er talið er.
Á eftir skoðuðum við svo safnið hans, með bátnum sem faðir hans átti og réri á, ásamt fleiri gripum sem skemmtilegt var að sjá.

Hérna er mynd af altaristöflunni sem ég fann á netinu og Steingrímur Hjartarson á Fossi hefur tekið.
Annars er bannað að taka myndir inni í kirkjunni, af vel skiljanlegum ástæðum, sérstaklega í ljósi þess hversu vel varðveitt altaristaflan er hingað til og að það er vert að gera allt sem hægt er til að svo verði áfram. Maður þakkar bara fyrir á meðan þessi ómetanlegi dýrgripur fær að vera þarna á sínum stað í helgidómi kirkjunni litlu, en ekki lokuð inni á safni inni í glerkassa. Hún er þarna í kærleiksríkri umsjá Hildibrands, en hann hugsar um töfluna eins og hún væri eitt af börnunum hans, það var auðséð.
Einnig sést kaleikurinn góði á bak við dagsetninguna.

Þórunn

2006-08-14T12:04:00.000Z

Mér fannst vel til fundið hjá Þórunni að setja þessa grein á bloggsíðuna sína:

"Nú þarf að þvo stólfætur".

Því svona viljum við helst ekki sjá börnin okkar alast upp, er það?->

Máfur og sjóræningjar

2006-08-13T04:15:00.000Z

Ég fór að sjá "Pirates of the Caribbean" s.l. fimmtudagskvöld. Þetta er mikil "aksjón" mynd, hasar og fjör, bráðfyndin. Þetta var kvöldið sem ég hefði átt að fara og sjá Máfinn, en ég get ekki ímyndað mér annað en að þeirri sýningu hafi verið frestað, því veðrið var svo leiðinlegt. Þegar fyrsta sýningin var var ég í heimsókn uppi í Mosó og fattaði ekki hvað sýningin var snemma dags, klukkan þrjú, hélt hún væri um kvöldið, sýning númer tvö var sama kvöld og Sigurrósar-tónleikarnir og ég hreinlega gleymdi henni, þriðja kvöldið fór ég sem sagt að sjá sjóræningjamyndina. Ekki gat ég farið að flengjast norður á Dalvík til að sjá hana á fiskideginum í gær, finnst mér. - Og ég sem var búin að hvetja fólk til að sjá sýninguna hér á síðunni, æ og ó, ég er bara algjör auli að missa svona af þessu í ár...vonandi tekst mér að sjá næstu sýningu hjá þessu ágæta leikfélagi, Sýni.

Píla Pína

2006-08-13T02:40:00.000Z

Hljótt er nú í húsum inni,
harmur býr í allra sinni.
Hvar er litla Píla Pína?
- Sárt er að missa sína.

Burt hún hvarf og brekkan grætur.
Birtist mér í draumi nætur
veslings litla Píla Pína.
- Sárt er að missa sína.

Músaguð við hættum hlífi
henni, sé hún enn á lífi.
Græt ég, litla Píla Pína.
- Sárt er að missa sína.

Rætist óskir hennar heitar,
hún það finni sem hún leitar.
Komdu aftur Píla Pína!
- Sárt er að missa sína.

Þetta ljóð er úr sögunni um Pílu Pínu, eftir skáldið Kristján frá Djúpalæk. Við þetta og fleiri ljóð um sömu mús samdi Heiðdís Norðfjörð sönglög sem er að finna á hljómplötu sem gefin var út með sögunni árið 1980 og fékk nafnið "Pílu pínu platan". Synir mínir elskuðu þessa sætu mús, kunnu söguna og söngvana um hana utanað og sungu þá öllum stundum. Mér finnst þessi saga, bókin og tónlistin, vera eitt af því góða barnaefni frá árum áður sem mætti gjarnan gefa út aftur.

Litla skógarpinsessan

2006-08-11T03:59:00.000Z

Þessi mynd sýnir vel hversu mikið er hægt að laga myndir í ArcSoft Studio, sem fylgdi skannanum okkar Cannon Prixma MP 500 :

"Ännu sitter Tuvstarr kvar och ser ner i vattnet."

<- Í þessum litum birtist myndin
á vef John Bauers Museum.

Myndin er eftir svíann John Bauer. Því miður hef ég ekki séð frummyndina, svo ég get ekki dæmt um hversu vel mér hefur tekist að komast nálægt henni, þetta er stundum vandamál, sérstaklega þegar um málverk er að ræða, því litir geta verið svo margræðir. Þegar unnið er með ljósmyndir verður oft að teljast smekksatriði hvaða litbrigði maður vill fá fram, en þegar um listaverk er að ræða hlýtur maður að vilja reyna að nálgast liti frummyndarinnar eins og hægt er, þó einnig geti einmitt verið býsna gaman að leika sér með listaverkin og virða fyrir sér hvernig þau koma út í hinum ýmsu tilbrigðim. Enda hafa málararnir svo sem stundað það sjálfir að mála mismunandi tilbrigði við sama myndefni, svo sem málverk Cézannes af fjallinu St.Victoire eru frægt dæmi um. - En svo getur auðvitað litur listaverka einnig breyst mikið með tímanum, það fer vitaskuld mikið eftir gæðum efniviðarins sem notaður er hversu vel hann varðveitist (nokkuð sem við nútímafólk mættum hafa í huga, eða er allt orðið einnota hjá okkur?).

Í þessu sambandi minnist ég þess að þegar ég kom hér um árið í Louvre og Pompidousafnið, tvö stærstu listasöfn Parísar, til að líta þar með eigin augum frummyndir listaverka sem maður hafði í gegnum tíðina skoðað í bókum, varð ég mjög undrandi að sjá hversu miklu tærari og ferskari litir þeirra voru heldur en maður hafði gert sér í hugarlund samkvæmt þessum fyrrnefndu bókum. Enda halda þessi heimsfrægu listsöfn auðvitað þeim ódauðlegu listaverkum sem þeim er trúað fyrir að geyma í toppstandi með fyrsta flokks vörslu, skyldi maður ætla. En þó tækni í prentverki fleygi fram hugsa ég að hún muni aldrei geta fullkomlega náð fram þeirri fegurð og þeim andblæ sem fylgir upprunalegu myndunum. Rétt eins og það að hlusta á tónlist af geisladiski mun aldrei jafnast á við að hlusta á hana flutta á staðnum, sama hversu góð upptöku- og spilunartækin eru.

Frá fíkjublaði til frakka

2006-08-10T14:50:00.000Z

Þessa yndislegu litlu bók, sem gefin var út í Berlín árið 1955, hirti ég úr "ókeypis-kassanum" í Góða Hirðinum um daginn. Ég hugsa mér gott til glóðarinnar að leika mér aðeins með myndirnar, bæði þessar í lit á forsíðunni og þær svart hvítu inni í bókinni. Textinn er líka bráðskemmtilegur. Ég vildi aðeins óska að ég væri betri í þýsku, en þá er bara að draga fram orðabókina.

Sund og fleira

2006-08-09T19:09:00.000Z

Ég fór að dæmi Löllu og dreif mig í sund í dag og synti meira að segja slatta og nú er ég þvílíkt ÞREYTT eftir daginn, rétt eins og hundspottið á myndinni hér til hliðar. Það er nú að vísu ekki eingöngu eftir sundið sem ég er lúin, heldur er ég líka búin að vera á þeytingi við að versla í dag.

Fyrst verslaði ég heilmikið í mínum heittelskaða Góða Hirði, þar sem ég gerði góð kaup, meðal annars fékk ég ALVÖRU, það er að segja handsaumað, bútasaumsteppi fyrir tvíbreitt rúm á kr. 2000.-! Sem meira að segja datt ekki upp í hendurnar á mér þar heldur má segja að það hafi fallið að fótum mér, vegna þess að það lá á gólfinu nánast á miðjum gangveginum og það var eiginlega þess vegna sem ég komst ekki hjá því að taka eftir því. Eitt af því sem ég ÁTTI að fá þarna, mætti halda. - Dreif mig með það beint í hreinsun, þar sem konan varð alveg gáttuð þegar ég sagði henni frá þessum kjarakaupum. Líka fékk ég þarna æðislega fallega postulínsdúkku á 600.- krónur og TVÖ jóladagatöl, veit samt ekki alveg hvað ég ætla mér að gera við þau, en örugglega verð ég búin að finna út úr því fyrir 1. desember ;o).

Síðan fór ég í Ikea, þar sem ég fékk EKKI körfurnar sem áttu að vera væntanlegar fyrir mánuði síðan, heldur var tjáð að Ikea væri HÆTT með þessar sömu körfur. Þannig að ég brá mér yfir til nábúans, það er að segja í Rúmfatalagerinn, þar sem ég fékk þessar líka fínu körfur fyrir slikk. Svo fór ég heim og gerði smá hreint hjá mér, fór svo í sund og svo í Krónuna og keypti eilítið af matvöru.

Venti síðan mínu kvæði í kross og fór í Bræðurnir Ormsson, þar sem ég lét loksins verða af því að kaupa mér FÍNU steikarpönnuna sem mig er búið að vanta lengi og ég sá þar þegar ég fór með mömmu að velja innréttingar í nýju íbúðina þeirra í vetur.

Ég ætti að sofna fljótt og vel í kvöld!

Sultun

2006-08-09T03:34:00.000Z

Nú þurfum við bráðum að fara að huga að sultun og niðursuðu og undirbúningi fyrir svoleiðis stúss. Svo sýnist mér að minnsta kosti samkvæmt því sem segir í "småprat" í "Tidens Husholdningsdagbok", sem er eftir Evu Berg og Lillemor Erken og með formála eftir dr. Otto Galtung Hansen, rituðum í Osló, 27.nóvember, 1939:

Móður minni áskotnaðist þessi bók þegar hún var ung og nýgift kona. Ég held að hún hafi notað hana eitthvað, að minnsta kosti hefur hún skrifað sína eigin uppskrift að rotvarnarefni inn í hana á blaðsíðu ætlaða fyrir eigin uppskriftir. Hún gaf mér síðan þessa bók fyrir mörgum árum, sennilega þegar ég byrjaði að búa, en ég get nú ekki sagt að ég hafi nýtt mér hana að öðru leyti en að fletta henni mér til gamans, enda greyið orðið ósköp lúið og heldur gamaldags. Manni kemur óneitanlega býsna margt spánskt fyrir sjónir sem rætt er í bókinni, meðal annars hvernig best sé að haga þvottadögum o.s.frv., þó svo ýmsar ráðleggingar um aðsjálni í heimilishaldi hljóti enn að vera í fullu gildi

Myndskannaraunir og fleira

2006-08-08T16:31:00.000Z

Nú er bara komið sólskin og blár himinn, eftir alla rigninguna undanfarið; veðurfarið í þessu landi er svo sannarlega undarlegt!

Ég fór í Bónus í dag og keypti mér ÖRTREFJAKLÚT (reyndar á tilboði, aðeins 99 krónur stykkið), sem ég vonast til að geti hjálpað mér í baráttunni við rykkornin örsmáu sem vilja slæðast með á ljósmyndunum sem ég skanna og verða þar að leiðinlegum, hvítum doppum og eru þeim mun meira áberandi og hvimleiðari sem myndirnar eru betri að gæðum.
Svo fór ég líka í BT og keypti mér pappír til að prenta ljósmyndir í stærðinni 10x15, átti bara A-4, sem er of mikið splæs þegar maður er bara með eina mynd sem maður vill prenta í þessari stærð. Keypti mér líka "kortagerðarpappír", bæði til að prenta á alls konar teikningar o.þ.h. og líka til að gera kort með ljósmydum. Spennó!
- Þannig að ef einhvern í fjölskyldunni vantar að láta útbúa fyrir sig ljósmyndir eða kort, þá er ég til í slaginn... ;o)
Stillti mig samt um að kaupa "pappír" (eða sennilega er það e.k. filma) til að strauja á boli, kíki kannski á það seinna, alla vega fínt að vita af því að það er til þarna. Langar tölvuvert til að spá í það.