Maðurinn á myndinni framdi sjálfsmorð daginn sem þessi forsíða birtist á DV.
Hann hafði ekki verið fundinn sekur fyrir dómstólum, mál hans var í rannsókn hjá lögreglu, vegna ásakana ungra drengja í heimabæ hans. Nú er málið ónýtt og verður aldrei upplýst, maðurinn verður hvorki dæmdur sekur né saklaus af þessum ásökunum vegna framgöngu æsifrétta- og sorasnepilsins DV. Í bréfi sem maðurinn skrifaði til fjölskyldu sinnar áður en hann tók líf sitt segist maðurinn saklaus af þessum ákærum.
- Trúir maður ekki orðum deyjandi manns?

Ég held það hljóti að verða að rannsaka mál þessara drengja og af hvaða hvötum þeir komu fram með svo alvarlegar ásakanir, hvort það var eingöngu til að ná sér niður á óvinsælum kennara, eða hvort eitthvað annað og meira var þarna í gangi. Það verði að reyna að finna út hvað lá að baki ásökunum þeirra, því þetta er svo sjúkt. Eins held ég að allir aðilar hljóti að vilja að sannleikurinn komi í ljós, hver sem hann er, þó líklega verði aldrei hægt að sanna neitt í þessu máli.
- En DV (sem sumir eru núna farnir að kalla Daglegan Viðbjóð) er svo sannarlega ekki rétti vettvangurinn til að fjalla um mál af þessum toga!

VINSAMLEGAST SKRIFIÐ YKKUR Á UNDIRSKRIFTALISTANN
- OG HÆTTIÐ AÐ KAUPA DV !
- það er að segja ef þið hafið keypt það.

Ég held ég hafi keypt það 2svar, til að lesa hvað væri verið að skrifað þar um einverja sem ég þekki, sem ég man ekki lengur hver voru eða hvað var verið að skrifa um þau.
Aldrei aftur, og vonandi fer það á hausinn, ef það breytir ekki um stefnu eða verður ekki stoppað af á einhvern annan hátt.