Sá viðtal við séra Auði Eir Vilhjálmsdóttur og Eddu Andrésdóttur í Kastljósi RÚV fyrr í kvöld, um bók þeirrar síðarnefndu um þá fyrrnefndu, sem heitir "Sólin kemur alltaf upp á ný" og kemur út á næstu dögum. Séra Auður er ákaflega jákvæð, skemmtileg og gefandi manneskja eftir þessu viðtali að dæma og ætla ég svo sannarlega að koma höndum yfir þessa bók og lesa hana.

Var að horfa á Kallakaffi. Þó húmorinn í þessum þáttum sé kannsi of einfaldur og alþýðlegur fyrir einhverjar snobbaðar hópkúltúrsmásálir, þá finnst mér þeir stórsniðugir. Vel leiknir þættir með liprum þræði, sem rennur vel í léttum sketsum fullum af hnittnum punktum og frábærum týpum, sem nokkrir okkar betri leikara túlka af snilld. Þáttaröð sem fór hægt af stað, en sækir í sig veðrið þegar á líður. Góð skemmtun.

Og svo er Örninn að byrja - honum missi ég helst ekki af, frekar en öðrum dönskum framhaldsþáttum.